Categories
Чөлөөт

Лусын амьтан Могойны өндөг хагарч байгааг харсан хүн баяждаг гэнэ харсан даруйдаа ШЭЙР хийж эд баялгаа өөртөө дуудаарай…

“Иргэн баян бол улс баян” гэдэг. Энэ нь иргэн бүр эрх, үүргээ ухамсарлан, өөрийн амьдрал ахуйд эзэн болж чадвал улс орны хөгжил өөдрөг сайн байхыг өгүүлж буй хэрэг билээ. Мөнгө бол бүтээгдэхүүн, үйлчилгээний төлбөрт төлж болох санхүүгийн хэрэгсэл. Мөнгө нь өөрийнхөө өртгөөр бусад барааны өртгийг илэрхийлж байдаг онцгой таваар. Өөрөөр хэлбэл, мөнгө нь ямар ч таваараар солигдож чадах хөрвөх чадвар сайтай арилжаа, гүйлгээний хэрэгсэл юм. Мөнгө бол амьдралын зорилго биш, харин зорилгод хүрэх хэрэгсэл юм. Мөнгийг байгаагаар нь хэрэглэдэггүй, харин та түүнийг ашиглан хэрэгцээтэй зүйлээ худалдаж авдаг. Энэ нь нийтэд хүлээн зөвшөөрөгдсөн үнэ цэнэтэй зүйлийг өөр нэг үнэ цэнэтэй зүйлээр солих боломжийг олгоно. Мөнгө нь зөөвөрлөхөд хялбар, тогтмол үнэ цэнэтэй, дахин ашиглах боломжтой, мөнгөн тэмдэгтийг хэдэн онд гүйлгээнд гаргаснаас үл хамааран ижил худалдан авах чадвартай, нийтээр хүлээн зөвшөөрсөн байх ёстой. Мөнгийг хүн өөрийн хичээл зүтгэл, уйгагүй хөдөлмөр, бүтээлч ажлын үр дүнд цалин хөлс, шагнал, төлбөр хэлбэрээр олохоос гадна хөрөнгө оруулалтаас ногдол ашиг, хүү хэлбэрээр олдог. Жишээ нь: Хадгаламжийн хүү, хувьцааны ногдол ашиг гэх мэт. Мөнгийг янз бүрийн зорилгоор хэрэглэж болно. Тухайлбал, мөнгийг бусдад зээлдүүлэх бусдаас зээлэх, төлбөр тооцоо хийх, хувьцаа бонд гэх мэт үнэт цаас болон үл хөдлөх хөрөнгө худалдаж авах гэх зэрэг маш олон янзаар ашиглаж болно. Орлого, түүнийг бүрдүүлэх боломж нөөц Та аль болох зарцуулснаасаа илүүг олох эсвэл олсноосоо багыг зарцуулах хэрэгтэй. Ингэснээр хуримтлал үүсгэх боломжтой. Орлого нь бараа бүтээгдэхүүн үйлдвэрлэж нийлүүлэх, үйлчилгээ үзүүлэх үйл ажиллагаанаас тухайн хугацаанд бий болсон мөнгөн хөрөнгө юм. Өөрөөр хэлбэл, хийж гүйцэтгэсэн ажлынхаа төлөө авч буй мөнгөний хэмжээ юм. Орлого нь биеийн болон оюуны хөдөлмөрийн үр дүнд бий болдог. Хувь хүн өөрт байгаа мөнгөө хадгалуулах эсвэл хөрөнгө оруулах шийдвэр гаргасны үр дүнд орлого олох боломж бүрддэг. МӨНГӨӨ ХЭРХЭН УДИРДАХ ВЭ? номоос хуулбарлав. Түрийвчинд тань мөнгө тогтохгүй байгаа бол та эдгээрийг хэрэгжүүлээд үзээрэй Түрийвчинд хүний зураг байлгах хэрэггүй – Учир нь ямар нэгэн зураг байх нь хэн нэгэнтэй заавал мөнгөө хуваалцаж,, эргээд чамайг боддоггүй хүмүүст мөнгөө алдах магадлалтай гэсэн утгыг илэрхийлдэг байна. Түрийвчинд зарааны үс байх ямар вэ? Мөн мөнгөөр өмд цамц хийвэл мөнгө дууддаг гэсэн. Энэ үнэн үү? -Зарааны үс байж болно. Учир нь зарааны үс хулгайгаас сайн хамгаалдаг байна. Зарааны үсийг хэтэвчиндээ хийх нь Орос Фэнг Шүй, Орос арга юм. Харин өмд цамцны хувьд Японы нэгэн үлгэрийн номон дээр хэтэвчиндээ хийсэн болгон нь үрждэг шидэт түрийвчний тухай үлгэрээс сэдэвлэж гаргасан хүмүүсийн яриа юм. Ямар түрийвч хамгийн сайн бэ? – Дуураймал биш, жинхэнэ арьсан түрийвч л хамгийн сайн түрийвч юм. Та бүхэн болж өгвөл олон тасалгаатай, олон нуглардаг хэтэвч битгий аваарай. Хэтэвч нь нэгэн төрлийн мөнгөний урсгалыг өөртөө чиглүүлж өгөх Инь энерги буюу усны энергийг өөртөө шингээж байдаг болохоор олон тасалгаанд энерги төөрөлдөж чухам аль эд баялагийн саванд мөнгийг татаж өгөх баримжаа нь алдагдаж төөрнө гэж үздэг байна Тиймээс цөөхөн тасалгаатай, эмх цэгцтэй, онгойлгоход хялбар, олон нуглардагүй түрийвч сонгоорой. – Хэн нэгний хуучин түрийвч хэрэглэж болохгүй. Учир нь таны орлого таных биш юм шиг байдал үүсэх болно. – Түрийвчэндээ хичнээн хайртай байсан ч гэсэн ойр дотны хүмүүс болон хүмүүсийн зураг хийж болохгүй. Учир нь тэдгээр хүмүүст та тусалж байгаа мэт цаад утгарааа харилцаагаа хөндийрүүлж, үл ойлголцож үүснэ. Мэдээж мөнгө санхүүтэй холбоотой шүү дээ. Маш сайн чанарын өөрийн гэсэн мөнгөр хэтэвч өөртөө худалдаж авах нь бат бөх санхүүгийн эх үүсвэртэй болж, олсон мөнгө чинь юм болно. Тиймээс манайхаан өөрийн дуртай, өөртөө таалагдсан хамгийн сайн түрийвч олж авах нь хамгийн түрүүнд хийх ёстой чухал зүйл чинь шүү. Өөрөө л хэрэглэх юм чинь хичнээн үнэтэй брэндийнх байсан ч гэсэн мөнгө битгий татаарай Хуучин түрийвчээ яагаад хаяж болохгүй вэ? – Түрийвч Мөнгө улаан өнгө болон байгалийн гаралтай материалд дуртай байдаг. Иймд та арьсан, улаан түрийвчийг сонгоорой. Түрийвчээ хоосон байлгаж огт болохгүй. Ядаж хэдхэн төгрөг үлдээж хэвших хэрэгтэй. Банкны баримт, НӨАТ-ийн баримт зэргээ мөнгөтэйгээ хамт хадгалж болохгүй. Түрийвчнийхээ тусгай хэсэг эсвэл цүнхнийхээ халаасанд хийж байгаарай. Түрийвчиндээ бохир төлбөрийн баримт, урагдсан цаас хийж болохгүй. Хуучирсан түрийвчээ хаяхын оронд хадгалаарай. Энэ нь их хэмжээний аз авчрахаас гадна, орлогын үүдийг нээдэг. Мөнгөнийхөө толгойг зөв харуулж хийх хэрэгтэй. Та болж өгвөл түрийвчиндээ мөнгөнөөс өөр зүйл хадгалах гэсний хэрэггүй. Түрийвчин дэх мөнгөө бусдад харуулах нь эд баялагаа алдах үндэс болдог.- Гудамж талбай болон сургууль Гудамжинд явж байхад замд тань мөнгө таарвал шууд аваарай. Энэ нь 10 төгрөг, 20 төгрөг байна уу? огт хамаагүй бөгөөд шууд л авах хэрэгтэй. Учир нь хөл доор байгаа мөнгийг орхиж явснаар мөнгөний заяа гомддог аж. Замын уулзвар дээр тогтсон мөнгөнд хүрч болохгүй хэмээдэг. Энэхүү мөнгийг авснаар эрүүл мэндээр хохирч, илүү их мөнгө зарлагадах хэрэг гардаг байна. Зөөгчид цайны мөнгө гар таталгүй өгч байгаарай. Учир нь таны өгсөн мөнгө эргээд гурав дахин үржигдэж ирэх болно.- Гэртээ Хоолны ширээ нь идээ будаа тавьдаг, нэг ёсондоо хүндэтгэлийн бэлэг тэмдэг билээ. Харин үүн дээр суухыг хориглодог бөгөөд өрөнд орно хэмээн үздэг байна.Та гэртээ их хэмжээний мөнгөтэй ирвэл хэдхэн төгрөг авч, хоолны ширээний бүтээлгэн доор хийгээрэй. Ингэснээр мөнгө арвижихийн бэлэгдэл хэмээдэг аж. Мөнгөтэй түрийвчээ хоолны ширээ болон орон дээр тавьж болохгүй. Таны гэрт нэг шүүр байх ёстойг анхаараарай. Эс бөгөөс гарлагын үүд нээгддэг байна. Задгай мөнгийг энд тэнд тарааж, хаяж болохгүй. Үүний оронд мөнгөний гахайнд цуглуулж, түрүүвчиндээ хадгалах хэрэгтэй. Гэртээ хадгалж байгаа мөнгөө тогтмол тоолж, дутсан, өссөн эсэхийг шалгаж байгаарай. Та мөнгө цуглуулж эхлэхээсээ өмнө юунд хэрэглэх гэж байгаа зорилгоо тодорхойлох ёстой. Мөн бороотой өдөр мөнгө хурааж эхлэхэд тохиромжгүй байдаг. Аалз нь их мөнгө, баялагийн бэлэг тэмдэг билээ. Та хаа нэгтээ аалз харвал алахын оронд явах замыг нь чөлөөлж өгөөрэй. Гэртээ шүгэлдэх нь гарлагын үүд хаалгыг нээж, орлогын үүдийг хаадаг байна.Бусдаас талх болон давс гуйж болохгүй. Энэ нь гэрээс тань хамаг баялаг, эд хөрөнгийг тань үлдэн хөөх аюултай. Нар жаргасны дараа хогоо гаргаж асгах нь хөрөнгө мөнгөө гаргаж байгаагаас өөрцгүй хэрэг юм. Мөнгөтэй цүнхээ газар тавьж болохгүй. Энэ нь мөнгөний заяаг хариулдаг гэж үздэг байна. Хутгаа талханд зоолттой орхих нь өрөнд оруулдаг. Үр тариаг гаргаж хаяснаар санхүүгийн асуудалтай тулгарч мэднэ. Цонхоороо хог битгий хаяарай. Энэ нь хамаг мөнгөө гаргаж хаяж байгаагаас өөрцгүй хэрэг юм. Аквариум нь мөнгө дууддаг байна. Гэхдээ аквариумын ус үргэлж цэвэрхэн байх ёстой. – Нийтлэг зүйлс мөнгө гуйж суугаа хүнд хандив өгөхдөө нүд рүү нь харж болохгүй. Цамц, өмд болон куртикний тань халаас урагдсан бол заавал оёорой. Үнэтэй эдлэл зүүснээр мөнгө орж ирдэг. Үсээ өөрөө тайрч болохгүй. Ингэснээр өөрөө мөнгөний эх үүсвэрээ тасалж хаяж байгаагаас өөрцгүй хэрэг юм. Зүүн алга загтнавал мөнгө орж ирнэ, баруун алга загтнавал мөнгө үрэгдэнэ гэж үздэг. Цагдаа эсвэл гал сөнөөгчтэй таарвал мөнгө үрэгдэнэ, жирэмсэн эмэгтэйтэй таарвал мөнгө үржихийн бэлэг тэмдэг болдог. Өөрөөсөө илүү мөнгөтэй хүмүүст атаархах хэрэггүй.

Categories
Чөлөөт

ХУВИЙН ЭНЕРГЭЭ ЦЭВЭР БАЙЛГАХУЙ

1. Тааламжгүй сэтгэгдэл төрүүлдэг, сонирхолгүй санагддаг хүмүүстэй аль болох бүү харьц. Тэдний анхаарлыг өөртөө бүү тат, бүү марга, тэдний төлөө ямар нэг юм бүү хий. 2. Олон хүн бөөгнөрсөн газар байхдаа ар нуруундаа 10 – 15 см илүү гадны хүн ойртуулахгүйг хичээ. Хүний нуруугаар нарийн эрчим хүчний нөлөөнд эмзэг энергийн суваг явдаг. Өөрийгөө хамгаалахын тулд цэвэр эфирийн тос түрхэж бай. Үнэр нь таны хамгаалалт болно. 3. Хичнээн өлсөж байсан ч өвчтэй, ядарсан, уцаартай, таньд дургүй хүний хийсэн хоолыг бүү ид. 4. Орон гэртээ зөвхөн өөрөө л байдаг тохилог хувийн орон зайтай бол. Тийшээ таны зөвшөөрөлгүй хэн ч нэвтэрдэггүй байх ёстой. 5. Олсон эд зүйлстэй маш болгоомжтой харьц. Ялангуяа эртний эдлэл, чимэг зүүлт, сахиус, хувийн эд зүйлстэй. Тухайн эдийн эзэн хэн байсан, түүнтэй юу тохиолдсон тодорхойгүй. Бас тухайн эдлэл сөрөг мэдээлэл агуулж байж мэднэ. 6. Бусдын өгч байгаа бэлгэнд болгоомжтой ханд. Зарим бэлэг таны хүчийг сулруулж бүр хүндээр өвчлүүлдэг. Үнэхээр сэтгэлд нийцсэн бэлгийг л хүлээж авч бай. 7. Дасгал хөдөлгөөн байнга хий: гүйлт, фитнесс, идэвхт бясалгал, йог, усан сэлэлт, дугуй унах гэх мэт. Эрүүл мэндээ байнга анхаар. Өвчтэй хүн бусдын зүгээс ирэх эрчим хүчний нөлөөг эсэргүүцэж чаддаггүй. Түүгээр ч үл барам хэсэг хугацааны дараа тэр бусдын энергийг сорогч болж хувирдаг. 8. Бусдын эд зүйлс болон хувцас хунарыг бүү өмс, нэг удаа ч гэсэн бүү өмсөж үз. Өвчтэй, нас барсан хүний хувийн эд зүйлсийг бүү хэрэглэ. Өөрийн хувийн эд зүйлсээ ч гэсэн түр зур бусдад бүү зээлдүүл. 9. Амьдарч, ажиллаж байгаа орчноо цэвэрхэн тохитой байлга. Арц, хүж, ароматерапи асаа. Өдөр бүр усанд ор, хувцасаа байнга соль. Ор хөнжлийн даавуу, гар нүүрийн алчуураа байнга угааж хэвш. 10. Санаа сайтай яв. Бусадтай эвтэй, уян хатан байж сур. Аливаа зөрчлөөс зайлсхийх гэж оролдож бай. Болохгүй бол зөрчлийг бүү хурцатга. 11. Уучилж сур. Мууг муугаар бүү хариул. Уурлах, муу юм бодох бүрт эрчим хүч алдагддаг. 12. Байнга инээмсэглэж яв. Амьдралын сайхныг анзаар, эргэн тойрны сайхныг олж хар. Өөрийгөө, бусдыг, амьдралыг хайрла.

Categories
Чөлөөт

Япончууд яагаад илүүдэл жингээр шаналдаггүй вэ?

Япончууд илүүдэл жингээр шаналах нь ховор бөгөөд амьдралын хэв маяг, хоол тэжээлийн онцлог чанарын ачаар ойрын ирээдүйд ч таргалалт үүснэ гэж айлтгүй юм хэмээн Японы Улсын эрүүл мэндийн хүрээлэнгийн хоол тэжээлийн мэргэжилтэн, судлаач Хидэми Такимото хэлжээ. Өдрийн цайны цагаар юмуу их ажлын цаг дуусах үе буюу оройн хоолны үеэр Японы зоогийн газруудад сул ширээ барагтаа л байдаггүй учир дараалалд хүлээх хэрэгтэй болдог. Япончууд их иддэг бөгөөд биеийн галбиртаа огт санаа зовдоггүй юм шиг надад санагддаг. Телевиз болон радиогоор өдөр бүр гарч буй нэвтрүүлгүүдийн гол сэдэв нь хоолны тухай өгүүлэх бөгөөд жуулчдад зориулсан гарын авлага нь юуг үзэж сонирхох гэхээсээ илүүтэй хаана, юу идэж болох талаар мэдээлсэн байдаг. “Дэлхийн хоёрдугаар дайны дараа хоол тэжээлийн дутагдалд орж байсан үеэс хүнсний бүтээгдэхүүний хэрэглээ хурдтай нэмэгдсэн хэдий ч өөх тосны хэрэглээ нэмэгдээгүй нь япончуудын нэг өвөрмөц шинж чанар юм. Түүнчлэн хотын оршин суугчдын автомашин ашиглах нь ховор бөгөөд биеийн ачаалал ихтэй байдаг нь илүүдэл жинтэй байдаггүйн өөр нэгэн шалтгаан байж магадгүй юм” гэж Хидэми Такимото ярьжээ.
“Япончууд давс бага хэрэглэх болсноор цусны даралт ихтэй хүний тоо буурсан. Тийм учраас өмнө нь олон хүн тархи судасны өвчний улмаас нас барж байсан бол энэ тоо аажмаар буурч байгаа” хэмээн тэрбээр мөн хэлсэн байна. copy NTN

Categories
Чөлөөт

ҮГИЙН ЭНЕРГИЙН ХҮЧ

Хүний амнаас гарч буй үг нь өөрөө энергийн бөөгнөрөл үүсгэдэг юм. Тиймээс нэг үгийг хэдий чинээ олон хэлнэ төдий чинээ энерги нь ихсэн, хүчтэй болж, улмаар биеллээ олж байдаг. Жишээлбэл: Энэ дэлхий дээр байгаа бүх хүн эхээс төрсөн учир “Ээж” гэдэг үг тоолж барамгүй олон удаа хэлэгддэг. Энэ нь олон удаагийн давталтаар “Ээж” гэдэг үгний энергийн хүч асар их болж, хэлэх бүрт тарни уншихтай адил аврал ирж байдаг юм. Аливаа аваар ослоос зүгээр үлдэх, жаахан шалбараад өнгөрөх үед хүмүүс азтайд тооцдог. Тэгвэл тэр хүн”ээжээ” гэж хэлсэн буюу ээжийгээ дуудсан байдаг. Ээждээ залбирал илгээсэн ч гэж үзэж болно. “Ээж” гэдэг үгийн цаана эх хүний агуу их хайр энэрэл, бодол ухаан, үрээ гэсэн бүх сайн сайхны энергийн бөөгнөрөл байгаа учир энэ авралын тарни болж буй хэрэг.
Гэтэл юухан хээхэнд бүдэрч ойчоод хөл,гараа хугалж гэмтээчихсэн хүн ч байдаг. Учир нь тэр хүн “ёо ёо” гэх юм уу хараалын утга учир бүхий муу энерги агуулсан үг хэлсэн байдаг учир муу энергийг өөрөө өөртөө дуудаж түүндээ хорлогддог. Нөгөөтэйгүүр хүн ямар нэгэн юманд уурлаж, ундууцахаараа дандаа “тэр муу, энэ муу” гэж ирээд ярьдаг. Олон удаа “муу, муу” гээд муулуулаад байгаа тэр хүнд ч тэр “муу” нь асар хүчтэй болж тусдаг. Тэгэхээр үг гэдэг бол санааны зоргоор урсгаад байх хий хоосон авиа биш. Бидний амьдрал, хувь тавиланг ч өөрчилж чадах хүчтэй энерги юм. Согтуу, доголон хүн явж байвал битгий шоолж бай гэж сургаж байсны утга нь чи хэн нэгнийг муулах үг амнаасаа гаргах тусам яг тийм үгээ өөртөө эргүүлээд татаж буй хэрэг. Бас “яах уу?”, “хэцүү юмаа” гэх зэрэг үгсийг огт хэлэхгүй байх учиртай юм. Энэ үгээр маш их сөрөг энерги дуудагдан ирж, бодож сэтгэсэн бүхэнд чинь хаалт босгож байдаг.

Categories
Чөлөөт

Маргааш Улаанбаатар 27 хэм дулаан, Бороо орохгүй

Өнөө шөнө Хангай, Хөвсгөлийн уулархаг нутгаар, маргааш өдөр Хангай, Хөвсгөлийн уулархаг нутаг, Орхон-Сэлэнгийн сав газар, Туул, Тэрэлж голын хөндий, говийн бүс нутгийн баруун хэсгээр усархаг, үргэлжилсэн бороо, дуу цахилгаантай аадар бороо орох тул болзошгүй үер ус, нөөлөг салхи, мөндөр, аянга цахилгааны аюулаас сэрэмжтэй байхыг анхааруулж байна. 2022 оны 07-р сарын 20-ны 20 цагаас 07-р сарын 21-ний 20 цаг хүртэлх цаг агаарын урьдчилсан мэдээг хүргэж байна. УЛААНБААТАР ХОТ ОРЧМООР: Үүлшинэ. Шөнөдөө бороо орохгүй. Өдөртөө дуу цахилгаантай аадар бороо орно. Салхи шөнөдөө зүүн өмнөөс, өдөртөө өмнөөс баруун хойш эргэж секундэд 6-11 метр, борооны өмнө түр зуур ширүүснэ. Шөнөдөө 13-15 градус, өдөртөө 26-28 градус дулаан байна. БАГАНУУР ОРЧМООР: Үүлшинэ. Бороо орохгүй. Салхи зүүн өмнөөс секундэд 5-10 метр, өдөртөө зарим үед секундэд 13-15 метр хүрч ширүүснэ. Шөнөдөө 12-14 градус, өдөртөө 26-28 градус дулаан байна. ТЭРЭЛЖ ОРЧМООР: Үүлшинэ. Шөнөдөө бороо орохгүй. Өдөртөө дуу цахилгаантай аадар бороо орно. Салхи зүүн өмнөөс баруун хойш эргэж секундэд 6-11 метр, борооны өмнө түр зуур ширүүснэ. Шөнөдөө 8-10 градус, өдөртөө 24-26 градус дулаан байна.

Categories
Чөлөөт

Таван өнгийн хадагны билэгдэл

Хадаг нь эхэн, дунд, адагт сайн сайхны бэлгэ дэмбэрлийг бэлгэддэг нэгэн зүйл эд бүлгээ. Бид аливаа үйлийг анхлан эхлэхдээ ариун сайхан санааг илэрхийлж хадаг барьдаг билээ. Хадаг гэдэг нь Төвдөөр “Аман эд” гэсэн үг юм. Чухаг дээд гурвын шүтээн, багш дээдэс, хүндэт хүмүүстэй уулзах, учрах үед зовлон жаргалаа даатгах болон айлтгал үгсээ өргөхийн өмнө амар мэндийг асуух хэрэгтэй болдог. Үүний учир халтар бултар хир тоосонд халдагдаагүй цагаан торго мэт гэмгүй сайхныг бэлгэдэж юуны өмнө хадаг барих буюу өргөдөг учраас Аман эд хэмээн нэрийдсэн болой. Хадаг түүний учир шалтгаан ёс дэг: Монголчууд эрт дээр үеэс хадгийг эдийн дээд гэж бэлгэшээж төрөл бүрийн хүндэтгэлийн зан үйлдээ хэрэглэж ирсэн. Хадаг хээ угалз, номын үсэг бичиг, хэмжээ, хийсэн эд, чанар чансаа, өнгө зэргээрээ өөр өөр байхын хамт Аюуш, Даш, Нанжвандан, Нанзад, Самбай, Дашвандан, Сэрш, Соном гэх мэт нэртэй байдаг. Аюуш хадгийг эцэг эхдээ, найман тахилт хадгийг багш, ихэс дээдэс лам нартаа барьж Самбай болон Нанжвандан хадгийг талийгаачийн газар авах, нүүрийг бүтээх зэрэгт хэрэглэдэг. Өнгө тус бүрдээ төр ёсны болоод шашны бэлгэдлийг агуулсан байдаг. Шашин номын үүднээс Цагаан өнгө нь Дээдийн шид бүтээл буюу гэм бүхнээ арилгаж, эрдэм бүхнийг туулсан бурхны хутагт хүрч хүний сэтгэхүйн туйлын мөн чанарыг нээн гаргаснаар олж авах үнэмлэхүй их эрдмийг бэлгэднэ. Хөх өнгө нь Амирлуулах үйлийн шид бэлгэдэх бөгөөд хүндэтгэлийн орны өвчин, ад, өвчин хижиг саад зэтгэр зэргийг амирлуулах утгыг агуулна. Шар өнгө нь Дэлгэрүүлэх үйлийн шидийг бэлгэдэх ба нас буян, эрдэм ухаан, хүч чадлыг дэлгэрүүлэхийн утгыг агуулна. Улаан өнгө нь Эрхэнд хураах үйлийг бэлгэдэх бөгөөд яруу алдар, төгс эддэл тэргүүтнийг эрхэнд хураахыг бэлгэднэ. Ногоон өнгө нь Хатуу үйл буюу дайсан тотгор, гай зэтгэрийг зайлуулах утгыг тус тус бэлгэддэг. Ийнхүү хөх, шар, улаан, ногоон өнгийн хадгууд нь “Дөрвөн үйл”-ийн шидийг бэлгэддэг бол цагаан өнгө нь Дээдийн шид бүтээлийг бэлгэддэгээрээ дээрх дөрвөн өнгийн утгыг бүгдийг агуулдаг байна. Харин төрт ёсны бэлгэдлийн үүднээс ялган үзүүлбэл: “Таван өнгийн хадаг”-ийг хадгалах нь буян тогтоож баян чинээлэг, гай гарзгүй, энхтүвшин явахыг бэлгэддэг. Таван өнгийн хадгийг дараах зан үйлийг бүтээхэд зориулан ашигладаг байна. Цагаан хадаг Эхийн сүүний өнгөтэй, сэтгэл ариун, бодь сэтгэлтэй, өглөгч буянтай. Харанхуйг, гийгүүлдэг амирлангуйн өнгө учир өвчин, барцад, ад, тотгор, хулгай дээрмийг арилгах, санасан зүйлийг бүтээхэд билгэшээдэг. Энэ өнгийн хадгийг бурхан шүтээндээ өргөдөг бөгөөд хамгийн хүндтэй ахмад хүндээ барьдаг. Шар хадаг Аливаа муу бүхний зайлуулж, цог золбоо, нас буян, төгс эдлэл, яруу алдар, шашны язгуур үндсийг шинийн сар мэт дэлгэрүүлэх үйлийг бүтээнэ. Шар өнгийн хадгийг эрдэм номын багшдаа барьдаг бөгөөд өөр хүнд барих ёсгүй ажээ. Улаан хадаг Гал голомт бадран дээшлэхийн бэлгэдэл. Ертөнцийн есөн хүслийг бүрдүүлэх бүх зүйлийг өөртөө буюу наашаа хураах үйлийг бүтээнэ. Энэ өнгийн хадгийг бурхан шашны таван махбодь бэлгэдсэн тусгай үйлд хэрэглэдэг бөгөөд хүмүүс барьж золгодоггүй. Цэнхэр хадаг Мөнх тэнгэрийн өнгө, амар тайваны бэлгэдэл, алив хорлол үйлдэх хортон дайсан бүгдийг гэсгээн цээрлүүлэх үйлийг бүтээнэ. Цэнхэр өнгийн хадаг нь тэнгэрийн бэлгэдэл бөгөөд ерөнхийдөө хүндэтгэлийн бэлгэдэл болдог. Цэнхэр өнгийн хадгийг өөр хоорондоо, ахан дүүсдээ барьж золгодог. Ногоон хадаг Дэлгэрэн арвижихын бэлгэдэлтэй. Дээрх бэлгэдлүүдийг бодож хадгийг аргамж, сур, усгүй хар архины хамт хадгалдаг бөгөөд аргамж, сур нь малын заяа тогтоох, архи нь бусад бүх буян тогтооно гэсэн санаагаар сүслэн хадгалж иржээ. Ийн үүднээс архи хадаг хоёрыг цуг халгалваас эд мөнгө тогтох, амар тайван амьдрах бэлгэдэл оршино хэмээдэг байна. Энэ өнгийн хадгийг бурхан шашны таван махбодь бэлгэдсэн тусгай үйлд хэрэглэдэг бөгөөд хүмүүс барьж золгодоггүй. Хадгийг барихдаа хадагныхаа задгай амыг өгөх хүн рүүгээ харуулж барьдаг. Энэ нь “Ариун сайхан сэттэлийн үүднээс барьж байгаа бэлэг нь танд өлзий болог” гэсэн утгатай. Хадаг авч байгаа хүн хоёр гардан авч хадагны толгой талыг баруун гар дээрээ тавьж, баруун гар талыг зүүн гар дээрээ нугалан эвхэнэ. Нанжвандантай хадгийг ямар ч хүнд барьдаггүй ба зөвхөн хүн нутаглуулах, оршуулах газар гуйхад хэрэглэнэ. Хадаг барьж золгох ёсонд дүү хүн нь ах хүндээ хадгаа бүрмөсөн өгөөд золгодог бол, хадагтай золгох ёсонд хадгаа хүнд өгдөггүй ямагт өөртөө авч байдаг. Хадагтай золгоно гэдэг нь хадагныхаа нэг үзүүрээс баруун гарынхаа ядам хурууг дотор талаас нь нар зөв хоёр ороогоод чигчий хуруутай тал руу доош унжуулна. Золгох үедээ унжиж буй хадгаа хүний гар дээр тавьдаггүй ёстой. Хадгийг өглөг, буяны журмаар барихаас гадна бусдаас ямар нэг зүйл хүсэх, тусламж эрэх хүслээ илэрхийлэн гуйж хадаг барьдаг ёс бий. Хүнээр ая бариулж дуу дуулуулах, ерөөл хэлүүлэх, ажил төрөлөө бүтээлгэх, бэр гуйх зэрэгт хадаг барьдаг.

Categories
Чөлөөт

Хүүхдээсээ битгий хол амьдарч, ажиллаарай. Аав ээжтэйгээ байгаа хүүхдийн нүд байнга баяр жаргалтайгаа гэрэлтэж байдаг юм шүү.

Хүүхдээсээ битгий хол амьдарч, ажиллаарай. Аав ээжтэйгээ байгаа хүүхдийн нүд байнга баяр жаргалтайгаа гэрэлтэж байдаг юм Гэр рүүгээ байнга яарч байгаарай. Хүүхэд байхдаа аавыгаа, ээжийгээ ажлаа тараад ирэхийг мөн ч их хүлээдэг дээ. Тэр мэдрэмжийг бүх хүүхэд туулдаг. Бяцхан зүрх үргэлж хүлээж байдаг юм шүү… МОНГОЛД ТАРЬЖ УРГУУЛЖ БАЙГАА ХҮНСНИЙ БҮТЭЭГДЭХҮҮН ХАМГИЙН ЭРҮҮЛ Манайхан химийн бордоо гэж юу вэ гэдгийг сайн ойлгох хэрэгтэй. Ямарч ургамал / бүх ургамал орно/ хөрснөөс Азот, фосфор, калийг ион- катионы түвшинд осмасын даралт, конциентацийн ялгаа болон олон биологи, химийн процессын үр дүнд нүдэнд харагдахгүй үндэсний үсэнцэрээр дамжуулан сорьж авдаг. Хошигнож хэлвэл амтай ургамал та хараагүй биз дээ. 1 тн бүтээгдэхүүн бий болгохын тул ургамал хөрснөөс 35-45 кг Азот, 25-30кг фосфор, 20-30 кг кали авдаг. Сургуулийн хүүхэд хэвийн өсөх, хэрэгцээгээ хангахад тухайлбал өдөрт мах-115 гр, гурил-100гр, хүнсний ногоо-270 гр гэх мэт ЭМС-ийн тушаал байдагдаа. Түүнтэй агаар нэг гэж ойлгож болно. Харин хүн амаарай шууд ходоодонд оруулдаг бол ургамал маш нарийн үндэсээр ион, катионы түвшинд сорж авдаг. Дээрхи гурван төрлийн бодис нь навчны тоо, талбай, өндөр, өвчин хортон, хүйтэн халуун, ганд тэсвэртэй болгоход хэрэглэдэг хамгийн их ургац бүрдүүлэхэд оролцдог бодис. Харин эдгээр бодисыг их хэмжээгээр хэрэглэх нь ургамалд илүүдэл бодис болж хуримтлагдаг сөрөг нөлөөтэй. Манайд дээрхи бордооны үйлдвэр байхгүй тул ОХУ, БНХАУ-аас импортоор авдаг. Монголд дээрхи бодисын хэрэглээг аваад үзвэл 1 га-д 9-15 кг-ийг хэрэглэдэг бол бидний хамгийн эрүүл, цэвэр гээд байгаа Солонгос, Япон, Европын холбооны улс орнуудад 1-га-д 450-800 кг-ийг хэрэглэж байж га-аас үр тариа-8-9 тн /манайх-1,5 тн/, хүнсний ногоо-40-100тн, /манайх-12-20тн/ авч байна. Дээрхи улс орон ийм их бордоо хэрэглэж байж хүнсээ яагаад эрүүл гэдэг гэвэл зөв цаг хугацаанд зөв технологиор, хэрэглэж бүтээгдэхүүн нь их, эрүүл байдаг. Иймд бид бордоо, ургамал хамгаалалын бодисыг хэрэглэхдээ тун нормыг тохируулж, технологит хугацаанд хэрэглэж байж эрүүл, их ургац авах болно. Монголд өнөөдөр 1 тн бордоо 1100-1500 $ байна. Ургамал хамгаалалын бодис литр-9-100$ байна. Иймд манай тариаланчид ийм үнэтэй бүтээгдэхүүнийг зөв үед зөв технологиор хийж байж ургацаа нэмэгдүүлнэ. Оройдож хэрэглэвэл ямар ч үр дүн өгөхгүй харин задарч амжихгүй хор болж, санхүүгийн илүү зардал гаргаж байгаагаа сайн мэддэж байгаа. Би өөрөө голланд, шведь, герман, хятад, солонгос ОХУ-д маш эрт болцтой сорт гаргаж авсаныг харж мэдэж байгаа. Орой болцын сортыг бордоод байвал болц гүйцэхгүй улам навч ихсээд ногоороод, өндөр л болоод байна. Үр жимсний болц 10-20 хоногоор хойшилдог. Тухайлбал хүүхэд төрөхдөө сараа гүйцээж төрдөг. Ээж нь амин дэм, мах гурил их хэрэглэсээр хүүхэд эрт төрдөггүйтээ сортын болцын хугацаа гэдэг нь адилхан юм. 2. ОХУ Украйны асуудлаас болж энэ жил Монголд 5000 тн бордоо орж ирсэн. Үүний 80-90 хувь нь үр тарианд хэрэглэдсэн. Тийм болхоор Ховдын төмс, тарвас гарч байгаа нь хавар эрт үрсэлгээ бэлдэж, богино болцтой сорт тарьсан гэж ойлгож байгаа. Энэ бол маш их хөдөлмөр, дэвшил, газар тариалангийн салбар урагшилж байна гэж би ойлгож байна. Иймд эрхэм иргэд минь Монголд тарьж ургуулж байгаа хүнсний бүтээгдэхүүн эрүүл гэдэгт би итгэдэг. Хуулбарлав. Shinebayar Shagdar.

Categories
Чөлөөт

МОНГОЛД ТАРЬЖ УРГУУЛЖ БАЙГАА ХҮНСНИЙ БҮТЭЭГДЭХҮҮН ХАМГИЙН ЭРҮҮЛ

Манайхан химийн бордоо гэж юу вэ гэдгийг сайн ойлгох хэрэгтэй. Ямарч ургамал / бүх ургамал орно/ хөрснөөс Азот, фосфор, калийг ион- катионы түвшинд осмасын даралт, конциентацийн ялгаа болон олон биологи, химийн процессын үр дүнд нүдэнд харагдахгүй үндэсний үсэнцэрээр дамжуулан сорьж авдаг. Хошигнож хэлвэл амтай ургамал та хараагүй биз дээ. 1 тн бүтээгдэхүүн бий болгохын тул ургамал хөрснөөс 35-45 кг Азот, 25-30кг фосфор, 20-30 кг кали авдаг. Сургуулийн хүүхэд хэвийн өсөх, хэрэгцээгээ хангахад тухайлбал өдөрт мах-115 гр, гурил-100гр, хүнсний ногоо-270 гр гэх мэт ЭМС-ийн тушаал байдагдаа. Түүнтэй агаар нэг гэж ойлгож болно. Харин хүн амаарай шууд ходоодонд оруулдаг бол ургамал маш нарийн үндэсээр ион, катионы түвшинд сорж авдаг. Дээрхи гурван төрлийн бодис нь навчны тоо, талбай, өндөр, өвчин хортон, хүйтэн халуун, ганд тэсвэртэй болгоход хэрэглэдэг хамгийн их ургац бүрдүүлэхэд оролцдог бодис. Харин эдгээр бодисыг их хэмжээгээр хэрэглэх нь ургамалд илүүдэл бодис болж хуримтлагдаг сөрөг нөлөөтэй. Манайд дээрхи бордооны үйлдвэр байхгүй тул ОХУ, БНХАУ-аас импортоор авдаг. Монголд дээрхи бодисын хэрэглээг аваад үзвэл 1 га-д 9-15 кг-ийг хэрэглэдэг бол бидний хамгийн эрүүл, цэвэр гээд байгаа Солонгос, Япон, Европын холбооны улс орнуудад 1-га-д 450-800 кг-ийг хэрэглэж байж га-аас үр тариа-8-9 тн /манайх-1,5 тн/, хүнсний ногоо-40-100тн, /манайх-12-20тн/ авч байна. Дээрхи улс орон ийм их бордоо хэрэглэж байж хүнсээ яагаад эрүүл гэдэг гэвэл зөв цаг хугацаанд зөв технологиор, хэрэглэж бүтээгдэхүүн нь их, эрүүл байдаг. Иймд бид бордоо, ургамал хамгаалалын бодисыг хэрэглэхдээ тун нормыг тохируулж, технологит хугацаанд хэрэглэж байж эрүүл, их ургац авах болно. Монголд өнөөдөр 1 тн бордоо 1100-1500 $ байна. Ургамал хамгаалалын бодис литр-9-100$ байна. Иймд манай тариаланчид ийм үнэтэй бүтээгдэхүүнийг зөв үед зөв технологиор хийж байж ургацаа нэмэгдүүлнэ. Оройдож хэрэглэвэл ямар ч үр дүн өгөхгүй харин задарч амжихгүй хор болж, санхүүгийн илүү зардал гаргаж байгаагаа сайн мэддэж байгаа. Би өөрөө голланд, шведь, герман, хятад, солонгос ОХУ-д маш эрт болцтой сорт гаргаж авсаныг харж мэдэж байгаа. Орой болцын сортыг бордоод байвал болц гүйцэхгүй улам навч ихсээд ногоороод, өндөр л болоод байна. Үр жимсний болц 10-20 хоногоор хойшилдог. Тухайлбал хүүхэд төрөхдөө сараа гүйцээж төрдөг. Ээж нь амин дэм, мах гурил их хэрэглэсээр хүүхэд эрт төрдөггүйтээ сортын болцын хугацаа гэдэг нь адилхан юм. 2. ОХУ Украйны асуудлаас болж энэ жил Монголд 5000 тн бордоо орж ирсэн. Үүний 80-90 хувь нь үр тарианд хэрэглэдсэн. Тийм болхоор Ховдын төмс, тарвас гарч байгаа нь хавар эрт үрсэлгээ бэлдэж, богино болцтой сорт тарьсан гэж ойлгож байгаа. Энэ бол маш их хөдөлмөр, дэвшил, газар тариалангийн салбар урагшилж байна гэж би ойлгож байна. Иймд эрхэм иргэд минь Монголд тарьж ургуулж байгаа хүнсний бүтээгдэхүүн эрүүл гэдэгт би итгэдэг. Хуулбарлав. Shinebayar Shagdar.

Categories
Чөлөөт

Жүжигчин Ариунцэцэг амаржиж хүүтэй боллоо. Ээж хүү хоёрт эрүүл энхийг ерөөгөөрэй

“Амьдралд тавтай морил” телевизийн олон ангит киногоор дэбют хийж, олонд танигдсан жүжигчин Ариунцэцэг үеийн бүсгүйчүүдээ бодоход тун биеэ даасан, эршүүд талдаа гэгддэг байв. Жил ирэх бүр хувьсан өөрчлөгдөж, улам л эмэгтэйлэг болсон түүний араас гуйх залуусын тоо ч нэмэгдсэн байдаг. Гэвч амьдрал зохиож, охинтой болсон Ариука хоёр дахь амьдралаа зохиох гэж яарсангүй. Анхны нөхөр Чинзогоос салаад багагүй хугацааг өнгөрөөсөн тэрээр энэ бүх хугацаанд өөрийн карьераа ахиулж, реклам, клипний зурганд дарагддаг болсон. Солонгосоос эх орондоо ирсэн экс нөхөр Чинзогоо уучлан, эргээд нийлчихэв үү гэтэл анхны амьдралаа зохиохоос өмнө романс үүсгэж байсан залуутайгаа эргэн нийлсэн болох нь олонд ил болгоод багагүй хугацааг өнгөрөөсөн байна. Мөн түүний амьдралд нэгэн шинэ өнгө болон орж ирсэн гэнэтийн бэлэг нь хоёр дахь хүүхэд нь байлаа. Жүжигчин бүсгүй өнгөрсөн хавраас бие давхар болсон гэдгээ цахим хуудаснаа дагагч нартайгаа хуваалцаж байсан бол өнөөдөр тэрээр шинэхэн хүнээ өлгийдөн авхаар төрөх эмнэлэгтэй иржээ.Тэрээр цахим хуудаснаа: Би бэлээн…. Бүх зүйлээ ээжийн цүнхэндээ хийсэн. Жаргалтай нь аргагүй эмнэлэгрүүгээ орлоо гэжээ. Харин жүжигчин Ариука өнөөдөр амаржиж удам залгах бяцхан хүүгээ өлгийдөн авжээ. Эх сурвалж

Categories
Чөлөөт

Хүнд насаа хэлдэггүйн учир

Эрт цагт хоёр найз адуучин байжээ. Тэгтэл нэг нь цаг бусаар өнгөрчээ. Түүнээс хожимхон нэгэн өдөр нөгөө найз нь адуундаа явж байтал үхсэн найз нь адууны дэргэд ирсэн сууж байхаар барахгүй өөрийг нь дуудаж байна гэнэ. Тэгээд очсон чинь “Надаас бүү ай. Хүрээд ир” гэж байна гэнэ. Тэгээд очсон чинь “Би Эрлэг Номун хааны адуучин болсон. Тэгээд чамд туслах хэрэг гараад ирлээ. Гурав хоногийн дараа Эрлэг номун хаан чамтай уулзахаар ирнэ. Чи их архи мах бэлдэж тавь. Шатар дэлгэ. Хундага дундрахаар архи нэмж хийгээд байгаарай. Хэрэв чи Эрлэг номун хааныг согтоож баясгаж чадвал чамд урт нас өгнө” гэж хэлжээ. Ингээд хэлснээр нь бэлдээд байтал гурав хоногийн дараа шатар нь өөрөө нүүгээд эхэлжээ. Хариу нүүж, ингээд Эрлэг номун хаан ирснийг мэджээ. Хундага дундрахаар нь дүүргээд байжээ. Эрлэг номун хаан өөрөө харагдахгүй, гагцхүү шатар нүүж байгаагаар нь л байгааг нь мэдэж байжээ. Тэгсээр архи нь нилээд дундарч байтал шатар нүүхээ больжээ. Ингээд Эрлэг номун хаан буцаад явсныг мэдэж. Маргааш нь адуундаа явж байтал найз нь мөн л уулзжээ. “За, чи минь, Эрлэг номун хааныг баярлуулж согтоож чадлаа. Чамд их урт нас өгсөн шүү. Харин чи хүнд насаа битгий хэлээрэй. Би одоо дахин чамтай уулзаж чадахгүй байх” гэжээ. Тэгээд тэр хүн өнөр өтгөн сайн сайхан амьдарч 120 жил насалжээ. Нэгэн өдөр явж байтал өмнө нь ер үзэгдээгүй могой тааралджээ. Түүнийг хараад нөгөө хүн “Би 120 наслахдаа ийм могой үзсэнгүй” гэж хэлсэн чинь Эрлэг номун хааны элч тэр үгүйг нь сонсож мэдээд сүнсийг нь авч гэнэ. Уг нь эрлэгийн данснаас хасагдчихсан байж л дээ. Эрлэгийн данснаас хасагдах гэж юу гэсэн үг вэ гэвэл Эрлэг номун хааны газар, энэ ертөнцөд төрсөн хүн бүрийг төрөх үхэх цагтай нь урьдчилан бичсэн тэмдэглэл байдаг. Тэр тэмдэглэл бичгийг харж байгаад үхэх цаг нь болсон хүний сүнсийг авахаар Эрлэгийн элч нар ирдэг. Хэрвээ хэн нэгэн хүний тухай тэмдэглэл нь нэгэнт сүнсийг нь авсан буюу үхсэн хүмүүсийн нэрийг тэмдэглэсэн дансанд хамагдаад үдэгдсэн бол урт насалдаг гэж домоглон ярилцдаг. Дээрхи хүний данс нь алга болчоод тоохгүй байхад нь насаа хэлснээс болж эрлэгт баригдсан хэрэг ажээ. Тиймээс Монголчууд насаа хамаагүй хэлдэггүй, хэлсэн ч дарж буюу нэмж хэлдэг, эсвэл тоймлож хэлдэг заншилтай болсон юм гэдэг. www.facebook.com/www.Budda.mn