Categories
Чөлөөт

БЯСЛАГНЫ АШИГ ТУС

Бяслагийг үнээ, хонь, ямааны сүүгээр бэлтгэх бөгөөд үүний тулд сүү ээдүүлэх ферментийг ашиглана. Бяслаг нь уураг, тосоор баялаг ба мөн А витамин, кальци, фосфор агуулдаг. Мэргэжилтнүүдийн тооцож байгаагаар дэлхийд эдүгээ 1000 гаруй төрлийн бяслаг бий. Нидерланд, Франц, Шинэ Зеланд, Дани, Швейцар зэрэг улс орон бяслаг үйлдвэрлэлээр дэлхийд тэргүүлж байна. Монголчууд бид эрт дээр үеэс цагаан идээ хэрэглэсээр ирсэн. Цагаан идээ хүний биед ихээхэн ач тустай. Бяслагийг дээд боловсролтой ээдэм гэж нэрлэдэг нь учиртай. Сүүнхүчлийн, пропионхүчлийн бактери, дрожж зэрэг бичил биетний үйлчлэлээр бяслагт төрөл бүрийн биологийн идэвхт бодис /аминхүчил, аминдэм гэх мэт/ нийлэгжинэ. Бяслагийн бичил биетнүүд сүүний уураг, тос, нүүрс усыг задлаж, хүний бие махбодод шингэхэд хялбар энгийн нэгдэлд хувиргана. Бяслаг нь үл орлох аминхүчил, кальци, фосфорын найдвартай эх үүсвэр юм. Бяслагны ашиг тус. Өдөр тутмын хоол хүнсэнд зайлшгүй багтах шаардлагатай хүнс бол “бяслаг” юм. Бяслаг хэмээх тэжээллэг сүүн бүтээгдэхүүн нь амт, үнэр, шинж чанараараа ямагт хүмүүсийг өөртөө татан дурлуулсаар ирсэн билээ. Европт олон зуун жилийн хэрэглээ болсоор ирсэн уг органик хүнсэнд агуулагдах ашиг шим юунд оршино вэ? Кальциар хамгийн баялаг
Бяслагт таны шүд, ясыг эрүүл нягт байлгах хангалттай хэмжээний кальци агуулагдана. Кальцийг бие махбодод шимэгдэхэд Д3 болон К2 витамин чухал нөлөөтэй байдаг бөгөөд уг 2 витамин нь мөн адил бяслагт агуулагддаг тул дархлаа дэмжих, хавдрын эсрэг бодисын солилцоог сайжруулах давхар ач холбогдолтой. Мөн эдгээр кальци, В амин дэм, эрдсүүдийн нэгдэл нь өндөр настан, хүүхдүүд төдийгүй жирэмсэн болон хөхүүл эхчүүдэд байгалийн аргаар ясны кальци, эрдсээ нөхөх эх үүсвэр болдог. Бяслаг нь уургаар баялаг тул гоо сайханд тустай. Органик бяслаг нь уургаар болон амин хүчлээр баялаг байдаг тул тархи, булчин, арьс гээд бие организмын хэвийн үйл ажиллагаанд онцгой ач холбогдолтой байдаг. Уураг, амин хүчил нь таны арьс, үсний уян хатан, гялалзсан, өнгөлөг байхад чухал нөлөөтэй тул та одооноос жимс, ногоо зэрэг хүнсний хажуугаар өдөр тутмын хүнсний хэрэгцээндээ бяслагийг заавал нэмээрэй. Натурал тослог: Бидний бие организмд өөх тос маш их шаардлагатай байдаг. Гэхдээ мэдээж натурал буюу байгалийн өөх тос байх нь илүү ач тустай. Бяслагт агуулагдах өөх тоос нь омега 3 агуулсан, өндөр чанарын байгалийн өөх тос байдаг бөгөөд биеийн жинг хэвийн хэмжээнд барих, шаардлагатай тохиолдолд нэмэгдүүлэх, булчингийн массыг нэмэх, биеийн эсийн үйл ажиллагааг дэмжих, бие махбодын температурыг хадгалах зэрэг ач холбогдолтой. Бяслаг нь ашигтай бактериар баялаг:Тэжээл сайтай, эрүүл малын сүүгээр хийсэн бяслаг нь сая, сая байгалийн гаралтай ашигтай бактерийг агуулдаг. Эдгээр нөхөрсөг, ашигтай бактериуд нь цусны даралт ихсэх, холестерины хэмжээ алдагдахаас сэргийлдэг. Үүгээр ч зогсохгүй пробиотик чанар нь гэдэс хямарч, ходоодны үйл ажиллагаа алдагдах гэх мэт хоол боловсруулах эрхтний асуудлуудад эерэг нөлөө үзүүлдэг байна. Бяслаг таныг тайвшруулна. Бяслаг нь биднийг тайвшруулж, сэтгэл ханамж нэмэгдүүлдэг Тирозин гэх амин хүчлийг агуулдаг бөгөөд агуулагдах тослог нь бидний тархийг допамин буюу сайхан мэдрэмж төрүүлэх аз жаргалын гормон үйлдвэрлэхэд тусалдаг. Эдгээр бодис нь оюуны үйл ажиллагаа, булчингийн хөгжилд эерэгээр нөлөөлж, хөгшрөлтийг удаашруулж, депрессийг бууруулдаг. Мөн Триптофан гэх нойр хүргэж тайвшруулах бодис ялгаруулдгийг эрдэмтэд тогтоожээ.

Categories
Чөлөөт

Бүжигчин Бямбаа: Түшигтэй хань бол нэгэн насны жаргал юм даа

Бүжигчин Бямбаа сайхан ханьтай учир ч хоёр охины ээж болсон билээ. Тэрээр “Ямар ч хүн үхэх сэхэхийн зааг дээр тулахдаа миний хань надад тэр нэгэн өдөр тэдэн саяын унаа, тийм брендын үнэртэн, тавь зуугаар нь сарнай цэцэгс авч өгч байлаа даа гэж боддоггүй юм шүү. Яахав бүсгүй хүн өөрөө сайхан бүхэнг хүртэх эрхтэй ч ганц эд мөнгөөр тэр нь хэмжигдэхгүй. Харин өвдөхөд нь хэрхэн асарч, уйлахад нь яаж аргадаж , унахад нь юугаа нь золиослож , уруудахад нь ямар ааш араншин гаргаж , өмгөөлж хамгаалж өрөвдөж нигүүлсэж, өргөж босгож, өршөөж уучлаж байсанг чинь л санана бас дурсана. Хань шиг хань байж чадсанд чинь баярлана. Түшигтэй хань бол нэгэн насны жаргал юм даа” хэмээн ханьдаа сайхан бүхнийг хэлдэг бололтой.

Categories
Чөлөөт

ҮЙЛИЙН ҮР БА АРВАН ХАР НҮГЭЛ

ҮЙЛИЙН ҮР БА АРВАН ХАР НҮГЭЛ. ГУРВАН ХОР, СЭТГЭЛЭЭР ҮЙЛДЭХ —3, ХЭЛЭЭР ҮЙЛДЭХ —4, БИЕЭР ҮЙЛДЭХ —3, Өчүүхэн бага буяны үрээс хэмжээлшгүй их амгалан гарах буюу өчүүхэн бага нүглийн үрээс тэсэшгүй их зовлон гарч болзошгүй. Иймд буян, нүглийг бага гэж үзэж болдоггүй бөлгөө. Бусдын хийсэн үйлийн үрийг өөр нэгэн үл эдлэх ба өөрийн хийсэн үйлийг бусдад шилжүүлж үл болох бөгөөд өөрийн хийсэн үйлийг зөвхөн өөрөө л эдлэнэ. Сайн муу бүхний шалтгаан болсон буян, нүглийн үйлийг эс хураавал түүний үр болсон амгалан, зовлонг хэзээд үл эдэлнэ. Үйл нь олон галваар дамжсан урт хугацаанд ч хорогдон алга болдоггүй төдийгүй шалтгаан нөхцөл нь бүрдсэн үед боловсрон гарч ирдэг байна. Арван цагаан буян нь сайн үйл, Арван хар нүгэл нь муу үйл болдог. Арван хар нүгэл хэмээх нь: 1. Амьтны амь таслах: /биеэр үйлдэх 3 нүглийн анхан/
Аливаа амьтны алтан амийг хорлох нь түүний амьд ахуй үедээ үйлдэх буян, үр удам, хийж бүтээх бүх зүйлсийнх нь хамт хөнөөн устгаж буй тул маш их хилэнц нүгэлтэй үйл юм. Амьтны аминд хүрэхийг өдөөдөг сэтгэл нь “Гурван хор” гэж томьёолдог мунхаг, уур, шунал гурав юм. Мөн Бурханы шашинтнууд урьд урьд төрлүүддээ эх хүү болж яваагүй амьтад нэгээхэн ч үгүй тул амьтан алах нь эхийгээ алснаас өөрцгүй нүгэл, хилэнцтэй гэж үздэгтэй ч холбон ойлгож болно. Амьтны аминд хүрэх хэрэгсэл нь зэвсэг мэс хэрэглэх, хорт бодисоор хордуулах, арвис тарнийн хүчээр хараал хийх зэргийг өөрөө үйлдэх, бусдаар үйлдүүлвээс амь тасалсны хүнд нүгэл, хилэнцийг хураана. Шунахай сэтгэлийн үүднээс амьтны мах, арьс, бусад эд эрхтэнээс ашиг хонжоо олохыг хүсч амь таслах, уур хилэнгийн үүднээс өшөө хорсол санан, заналхийлэх, хүлцэн тэвчих сэтгэлгүйн улмаас амь таслах, амьтны амь тасалваас хилэнц нүгэлтэй гэдгийг үл мэдсэний улмаас, мөн зугаа цэнгэл болгож амьтны амь таслах нь мунхаг сэтгэлийн үүднээс үйлдэж байгаа юм. Ялангуяа сүүлийн үед чоно алвал хийморь сэргэдэг гэсэн мунхаг буруу үзэл ёс гарах болжээ. Мөрөөрөө яваа амьтны амь золиослон өөрийн сайн сайхныг бүтээх ёс Бурханы шашны үзэл номлолд нэгээхэн ч үгүй бөлгөө. Бурханы шашны ёсонд ямарваа амьтныг энэ нь ашиг өгөөжтэй, тэр нь хор хөнөөлтэй гэж ялгаварлан үздэггүй бөгөөд ямар ч амьтан өөрийн амар тайван байдлыг бүтээн бий болгох, амь зуух, үр төлөө өсгөхийн төлөө явдаг буюу зовлонг хүсдэг амьтан нэгээхэн ч үгүй болох нь тодорхой билээ. Амьтны амь тасалсан хилэнцийн үрээр дараа төрлүүддээ гурван муу заяаны аль нэгэнд төрөх буюу хүний биеийг оллоо ч нас богино, элдэв өвчин эмгэгтэй, зовлон шаналгаа их, ядуу зүдүү болох, амьдарч байгаа орчин нь таагүй, идээ ундаа ховор хомс, эмийн ургамал, үр жимсний анагаах хүч сул, шүлт шим муу байдаг газар оронд очиж төрдөг байна. Иймд өөрөө амьтны аминд хүрэхгүй байхын зэрэгцээ алуулахад тулсан амьтны амийг хэлтрүүлэх, бусдыг амьтан алах нөхцөл байдалд оруулахгүй байх, аюул гамшигаас амьтны амь аварваас нас урт, өнгө зүс сайн, бусдын хайр хүндэтгэлийг хүлээсэн нэгэн болно гэдэг. 2. Эс өгснийг авах: /биеэр үйлдэх 3 нүглийн хоёрдугаар/ Бусдын хөлс хүчээрээ олсон эд таваарыг учир эс мэдэх мунхаг, үл ханах шунал, үл энэрэх уур хилэнт сэтгэлийн үүднээс хүч түрэмгийлэн булаах, нүднээс далдуур сэм авах, зээлүүлж хүүлэн өсгөх, ямар нэгэн башир муу аргаар өгөөгүй байхад буюу зөвшөөрөлгүйгээр салган хагацуулахыг хэлнэ. Мөн жинлүүрийн заалтыг өөрчлөх, бусдын хаяж гээсэн зүйлийг буцааж үл өгөх, хуурамч эд зүйл борлуулах зэрэг хулгай хийхтэй ялгалгүй бөлгөө. Эс өгснийг авсан нүгэл хилэнцийн үрээр эд таваараар ховор хомс, ядуу зүдүү болох, эд өлгийг эрж хайгаад үл олох, олсон зүйлээ хулгай дээрэмд алдах, амьдарч буй газрын ойр орчинд ган гачиг, зуд турхан байнга нүүрлэх, эс бөгөөс үер усны аюул их тохиолддог байна. Иймд эс өгснийг авах нүглийг тэвчиж, үргэлж бусдад өглөг өгч буян үйлд. Өглөг өгөх нь эд өлгийн өглөг, номын өглөг, аймшиггүйн өглөг гэсэн гурван зүйл байдаг. Эхнийх нь үгээгүй ядууст өглөг өгөх, сүм хийдэд өрлөг хандив өргөх, өвчин зовлонд нэрвэгдсэн нэгэнд буцалтгүй тусламж үзүүлэх, амьтан хооллох зэрэг эд өлгийн зүйл өгөх зэрэг болой. Өөрийн сурч мэдсэн эрдэм ухаан, тэр дундаа Бурханы номыг бусдад зааж сургаж, үнэн зөв зам мөрийг зааж сургах нь өглөг бүгдийн дээд гэж үздэг. Аймшиггүйн өглөг нь аюулд өртсөн амьтныг өөрийн амь биеийг ч үл хайрлан аварч, амьдрах нас бэлгэлэх тэргүүтнийг хэлдэг юм. Энэ бүх өглөгийг өгсөний үрээр эд баялагаар элбэг баян, өгөөмөр өглөгч сэтгэлтэй болох зэрэг олон зүйлийн тус эрдэмтэй. 3. Буруу хурьцал: /биеэр үйлдэх 3 нүглийн гуравдугаар/ Бэлгийн дур хүслээ ёс бусаар хангахыг буруу хурьцал гэж хэлдэг. Өөрийн эх, цусан төрлийн холбоотой садан төрлийн бүсгүй, насанд хүрээгүй охид, ижил хүйсний хүмүүс, эсвэл манин хүйстэн, сахил сахиж байгаа эмэгтэй, эрэгтэйтэй хурьцал үйлдэх нь явагдахуун бусын буруу хурьцал мөн. Хүний ёсноос гадуур гаж маягаар бэлгийн дур хүслээ хангахыг гишүүн бусын буруу хурьцал хэмээдэг ажээ. Багш, эцэг эх тэргүүтэн хүндтэй хүмүүсийн ойр хажууд, бурхан шүтээний дэргэд энгэр зөрүүлэхийг орон бусын буруу хурьцал хэмээнэ. Жирэмсэн байгаа болон сарын хир ирсэн үе, хугацаат сахил сахиж буй үед мөн хүсээгүй байхад нь хүч түрэмгийлэх зэргийг цаг бусын буруу хурьцал гэнэ. Буруу хурьцал үйлдсэн үйлийн үр нь хүн болж төрвөөс түүний эхнэр хийгээд нөхөр нь үнэнч биш, гэр бүл нь тогтворгүй үргэлж салж сарних нь олон, өөрөөр хэлбэл гэр бүлийн амьдрал тогтворгүй, элдэв бэрхшээлтэй алхам тутамд тулгарч байдаг байна. Мөн шавар намаг, азар бузар, өмхий самхай, хог новш үлэмж элбэг, сэтгэлд таагүй газар оронд төрдөг байна. Иймд буруу хурьцлын нүгэлийг сайтар тэвчиж, ариун ёс суртахуун, сахил санваарыг сахигтун. Сахил санваар сахихаар ам авсан хуврагууд тус тусынхаа сахих ёстой сахилаа сайн сахих, эгэл хүмүүс нь ариун ёс суртахуунтай байж үүрэгт ажлаа ёс журмын дагуу гүйцэтгэх, өөрийн гэргийгээр ханан мэдэх буюу бусадтай шалиг самуун явдал үүсгэхийг тэвчсэний үрээр ариун дагшин газар дээд сайн төрлийг олж төрнө. 4. Худал ярих: /хэлээр үйлдэх 4 нүглийн анхан/ Мунхаг, шунал, уур хилэнт сэтгэлийн үүднээс ямар нэгэн байдлаар бусдад санаатайгаар толгойг нь эргүүлэн буруу ойлголт өгөх, мөн зөв бодол санааг элдэв үг тэргүүтнээр эргүүлэхийг хэлнэ. Худал үгийг ихэвчлэн амаар өгүүлэх боловч дуугүй байх, толгой дохин хүлээн авах, мөн биеэр болон дохио зангаагаар заах тэргүүтнээр хуурах нь худал ярихын нүгэлд багтана. Худал ярьдаг нүгэлтэн дараа төрөлдөө ээрүү гацаа, ам нь өмхий, орсгой дорсгой шүдтэй зэрэг болж төрнө. Бусад бээр байнга басамжлан доромжилдог байна. Мөн тийм хүний аж зуун амьдардаг газар нь тариалан, худалдаа наймааны ажил үйл үйлдэхэд бэрх алс бөглүү бөгөөд элдэв гай тотгор олон болно. Иймд худал ярихыг тэвчиж, ямагт үнэн үгийг өгүүл. Үнэн зөв өгүүлэх нь болсон үйл явдлыг үнэн зөв өгүүлэх, өөрийгөө болон бусдыг өмгөөлөхийн тул худал өгүүлэх, айн балмагдсандаа худал өгүүлэх, бусдын толгойг эргүүлэхээр зүйл өгүүлэхгүй байх нь нэн чухал билээ. 5. Хов өгүүлэх: /хэлээр үйлдэх 4 нүглийн хоёрдугаар/ Эв найрамдалтай байгаа хүмүүсийг хооронд нь салган үймүүлэх, эв эегүй байгаа хүмүүсийг улам бүр холдуулах зэрэг зохисгүй үйлдэлийг үнэн худал, яруу бус үг яриагаар мунхаг, шунал, уур хилэнгийн эрхэнд автан үйлдэхийг хов өгүүлэх гэнэ. Хов өгүүлдэг хүн дараа төрөлдөө найз нөхдөөр хомс, амраг садангаасаа хол хөндий, тэдэнтэй таарамжгүй байдаг бөгөөд хүрээлэн байгаа орчин нь ч энхэл донхол, овгор товгор, явж зорчиход бэрх газар төрөх аж. Иймд хов өгүүлэх нүгэлийг тэвчиж, эв эеийн үгийг өгүүлж бай.Олон хүмүүнийг эв найртай, нэгдэл нягтралтай байлгахын төлөө аль болох зүй зохистой үгсийг өгүүлж байх хэрэгтэй. 6. Ширүүн үг хэлэх: /хэлээр үйлдэх 4 нүглийн гуравдугаар/ Гурван хорт муу сэтгэлийн нөлөөгөөр өөрийнхөө дургүйцлийг гарган бусдыг харааж зүхэх, дайрч давшилсан үг өгүүлэх, үнэн худал үгээр доромжлох, бусдын нууц хоригийг бүдүүлгээр уудлах, бусдын сэтгэлд сэв суулгах зэргийг ширүүн үг хэлэх гэнэ. Ширүүн үг хэлдэг нүгэлтэн бээр хойд төрөлдөө бусдын амнаас цаг үргэлжид сэтгэлд тааламжгүй үг сонсдог, сэтгэлийн шаналгаа ихтэй болж төрнө. Түүний төрсөн газар нутаг нь хожуул сондуул үлэмж, асга хайрга их байдаг байна. Иймд ширүүн үг хэлэх нүглийг тэвчиж, аядуу зөөлөн үгийг хэлэлц. Эелдэг зөөлөн ярих нь бусдад таатай сэтгэл төрүүлэхийн дээр сэтгэлд зохистой яруу үгийг өгүүлэхийг хэлнэ. 7. Дэмий чалчих: /хэлээр үйлдэх 4 нүглийн дөрөвдүгээр/ Ямар ч утга учиргүй, хэрэг болох ухагдахуунгүй, элдэв хэрэггүй зүйлсийн талаар цаг заваа гарздаж, амныхаа зоргоор дур мэдэн өгүүлэхийг хэлнэ. Урд насандаа дэмий чалчих нүглийг үйлдэж байсан хүний ярьсан хэлснийг бусад үл сонсдог, үл ойшоодог байна. Нутаг оронд нь үрт модонд үр жимс үл боловсрох, боловсорсон ч цагаа үл олох, цаг улирлын байдал байнга солигдох зэрэг гай гамшиг ихтэй байдаг ажээ. Иймд дэмий чалчилгүй, утга төгөлдөр номыг өгүүлж бай. Хэрэгтэй зүйл ярих нь өөрт болон өрөөл бусдад хэрэг болохооргүй зүйлийг үл ярин гүн дэлгэр номын утгыг ярьж бай. 8. Хомхой сэтгэл: /сэтгэлээр үйлдэх 3 нүглийн анхан/
Бусдын эрдэм мэдлэг, эдэлж, эзэмшиж байгаа эд хөрөнгө, баялагт шунан тачааж, өөрийн болгох гэсэн, эсвэл түүнд атаархан эн зэрэгцэх эд хөрөнгө, бараа таваар хураахыг санагалзах, хүний эд хөрөнгийг илүү үзэх зэрэг шунаг сувдаг сэтгэлийг хэлнэ. Хомхой сэтгэлтэн хойт насандаа ханаж цадахаа мэдэхгүй, дур хүсэл ихтэй болж төрнө. Эд баялаг, хотол чуулган бүхэн нь жил, cap, хоногоор хасагдан багасаж байдаг тул хомхой сэтгэлийг тэвчиж, ханан мэдлийг шүт. Ханан мэдэл буюу өөрт буй зүйлээр сэтгэл ханаж, бусдын илүү зүйлд хомголзох сэтгэлийг үүсгэлгүй бусдын сайн сайхан зүйл, өөрөөс нь илүү байгаад бүү атаархаж бай. 9. Хорлох сэтгэл: /сэтгэлээр үйлдэх 3 нүглийн хоёрдугаар/ Бусдын хорлол хийгээд сэтгэлд үл нийцэх үйлдэлд тэсвэрлэлгүй өс хонзон санан хорсох, зодож нүдэх, хүлж боох тэр байтугай алах санаа өвөрлөх зэрэг хорон сэтгэлдээ бүрэн автахыг хэлнэ. Хорлох сэтгэлийг дотроо агуулж байдаг хүний дараачийн төрөл тэр нь уур хилэн, унтууцал дургүйцэл их байхын зэрэгцээ тухайн газарт хижиг өвчин, халдварт өвчин гарах нь байнга, дотоодын үймээн самуун, гадаад дайсны халдлага дайралт элбэг байдаг аж. Иймд хорлох сэтгэлийг дотроо үл агуулж, бусдад тустай сэтгэлийг үүсгэн аливаа амьтанд аль болох өөрийн боломж бололцооны хэрээр туслах сэтгэлийг үүсгэ. Хэрэв тус хүргэж эс чадваас, хор хөнөөл бүү хүргэгтүн. 10. Буруу үзэл: /сэтгэлээр үйлдэх 3 нүглийн гуравдугаар/ Нүгэл буян гэж байхгүй, үйлийн үрийн нарийн ухагдахууныг үгүйсгэх, Гурван эрдэнэд үл итгэх, хойд урд нас байхгүй худал зүйл хэмээн гүтгэх зэргийг хэлнэ. Буруу үзлээр оюунаа булингартуулваас үнэн зөв сургаалыг хэзээд үл сонсох бөгөөд мунхагийн балагаар гэгээрэлд хүрч үл чадна. Сав ертөнцийн нөөц баялаг, хүү сан мөхөн устаж, бууран доройтдог ажээ. Иймд буруу үзлийг сэтгэлээсээ цэвэрлэж, үйлийн үрийн сургаалын гүнзгий утганд сэтгэлээр итгэмжил. Бие хийгээд хэлний нүгэлүүд хойноосоо урагшлах тутам хүндэрнэ. Жишээ нь: Биеийн гурван нүглээс хамгийн хүнд нь амь таслах нүгэл, хэлний дөрвөн нүглээс худал ярих нүгэл хамгийн хүнд нь байх бөгөөд харин сэтгэлийн нүгэлүүд бол урдаасаа хойшлох тусам хүндрэх бөгөөд хамгийн хүнд нүгэл нь буруу үзэл юм. Арван хар нүглийг хүнд байдлаар үйлдвэл тамд төрж, халуун хүйтний хатуу бэрх зовлонг амсана. Дунд байдлаар үйлдсэн байваас бирдийн оронд төрснөөр өлсөж цангаж, турж эцэхийн хэцүү зовлонг амсана. Хөнгөн байдлаар үйлдэх аваас адгуусны төрөл авч, унаж эдлүүлэх, хэлгий дүлий, нэгнийгээ амьдаар идэх, залгих, хүчтэй нь хүчгүйгээ түрэмгийлэх зэргийн аюулт зовлонг эдлэнэ. Эдлэх ёстой үр нь цаг хугацааны хувьд харилцан адилгүй байна. Үр дагаварыг нь энэ төрөл насандаа эдлэх, яг дараачийн төрөлдөө эдлэх, гуравдахь төрлөөс эхлээд цаашид хэд хэдэн төрлийн дараа эдлэх гэх мэтчилэн ялгана. Эдгээр бие, хэл, сэтгэлийн нүгэлүүдийг үнэнхүү гэмшсэн сэтгэлээр илчлэн наминчлаваас арилах боловч анхнаас нь үйлдэхгүй, халдаахгүй байх нь эрхэм чухал юм. Арван хар нүглийг тэвчвээс арван цагаан буян болдог. Товчлон хураангуйлбал амь таслахыг тэвчин амьтны амь аврах, эс өгсөнийг авахыг тэвчин өглөг өгөх, буруу хурьцал үйлдэхийг тэвчин сахил санваарыг сахих, худал ярихыг тэвчин үнэн зөвийг өгүүлэх, хов үг өгүүлэхийг тэвчин зүй зохистойг өгүүлэх, ширүүн үг өгүүлэхийг тэвчин эелдэг зөөлөн үг өгүүлэх, дэмий ярихыг тэвчин утга төгс хэрэгтэй зүйл ярих, хомхой сэтгэлийг тэвчин ханан мэдлийг шүтэх, хорлох сэтгэлийг тэвчин туслах сэтгэлийг үүсгэх, буруу үзлийг тэвчин Гурван эрдэнэ, үйлийн үрд итгэмжлэх сэтгэл үүсгэхийг хэлдэг.

Categories
Чөлөөт

ГҮҮНИЙ СААМ ГАЙХАМШИГТ ШИМТ ЧАНАРТАЙ.

Гүүний саамын биохимийн найрлагын судалгаа: Гүүний саам бусад малын сүүтэй харьцуулахад уураг, өөх тос, сүүний чихэр багатай. Харин эхийн сүүтэй хамгийн ойролцоо найрлагатай. 1. Уургийн найрлага: – Казеин ба альбумины харьцаа 1:1 (Үнээний сүүнд энэ нь 7:1 байдаг). Иймээс үүний саамыг альбуминт сүү гэдэг. -Казеиний уургийн мицели нэвс нь үнээнийхээс 3 дахин жижиг байдаг. Иймээс түргэн шимэгддэг. -Шар сүүний уургаар баялаг. Энэ нь гүүний сааманд 35-50% байдаг бол үнээний сүүнд 13-15% байдаг.-Харшил өдөөгч β-лактоглобулин уургийн хэмжээ үнээний сүүтэй харьцуулахад гүүний сааманд 2 дахин бага байдаг. -Нийт амин хүчлийн 42-58% нь чөлөөт амин хүчил хэлбэрээр байдаг. -Үнээний сүүтэй харьцуулахад элэгний бодисын солилцоонд чухал үүрэгтэй таурин гүүний саам ба эхийн сүүнд 10-30 дахин их байдаг. Таурин нүдний харааг сайжруулах, цусны даралт, цусан дахь эпинефриний хэмжээг бууруулдаг байна. -Дархлаанд нөлөөлөх иммуноглобулинууд, цитокинтай төсөөтэй хүчин зүйлс их хэмжээтэй агуулдаг. 2. Нүүрс ус: Гүүний сааманд бусад малын сүүтэй харьцуулахад хамгийн их бөгөөд харин эхийн сүүтэй хамгийн ойролцоо хэмжээтэй. Нийт нүүрс усны 85% нь лактоза буюу сүүний чихэр. Бие махбодид лактоза чухал үүрэгтэй. Үүнд:- Энергийн эх үүсвэр болдог. Уураг тархины хөгжилд онцгой чухал тул хүүхдэд нэн хэрэгтэй. Эрдэмтэд лактозыг “Тархины түлш” хэмээн нэрлэсэн байдаг. -Лактоза нь кальций, магнийн гэдэснээс шимэгдэх чадварыг сайжруулдаг. -Бифидум бактерийг дэмжиж, гэдэсний E.Coli-г дарангуйлан, гэдэсний өвчнөөс хамгаална. -Өтгөн ялгаруулалтыг хэвийн болгож, гэдэс дүүрэхээс хамаална. 3. Өөх тосны зүйлс: Үл ханасан тосны хүчлийн агууламж ихтэй. Нийт өөх тосны 59-63% нь үл ханасан тосны хүчил байдаг бөгөөд үнээний сүүнд ханасан буюу царцуу өөх энэ хэмжээтэй байна. -Линол, линолений хүчил гүүний сааманд үнээний сүүнийхээс 15-18 дахин их байна. -Гүүний саамын тосны бөмбөлгийн хэмжээ үнээний сүүнийхээс 3 дахин жижиг байдаг. Иймээс саам хялбар шимэгддэг. -Бактери, вирусын эсрэг үйлчлэлтэй лауриний хүчлийн хэмжээ үнээний сүүнээс 1,5 дахин их байдаг. Холестеролын хэмжээ үнээний сүүтэй харьцуулахад 3,2 дахин бага байна. -Фосфолипидийг их хэмжээтэй агуулдаг. 4. Амин дэмийн агууламж:
-“C” амин дэмийн агууламж үлэмж их. Бидний судалгаагаар гүүний хуурай сааманд үнээний хуурай сүүтэй харьцуулахад 14 дахин их “C” амин дэм байлаа. Эхийн сүүтэй харьцуулахад гүүний саамын “C” амин дэмийн агууламж нь 4-8 дахин их хэмжээтэй болохыг Италийн судлаачид (E.Pagliarini and 1993) тогтоосон байна. -А, B1, B3, B6, B7, B9, B12, B13, B15, K, D, E зэрэг аминдэм сааманд агуулагддаг. 5. Эрдэс бодис: -Кальций, фосфорын харьцаа гүүний сааманд хамгийн зохистой хэмжээтэй. Бидний судалгаагаар Ca:P= 1,34 байлаа. Энэ хэмжээ нилээд хэлбэлздэг. Жишээ нь Martuzzi болон бусад эрдэмтэд 1,15-2,25 гэж бичсэн байдаг. -Үл орлуулах буюу хоол хүнсээр зайлшгүй авбал зохих бүх эрдсийг нэр төрөл, шаардлагатай хэмжээгээр агуулдаг. 6. Дархлааг сайжруулах шинж чанар: Бактери, вирусын эсрэг өндөр үйлчлэлтэй лактоферрин бусад малын сүүтэй харьцуулахад гүүний сааманд илүү хэмжээтэй байдаг. -Гүүний сааманд IL-1, IL-1Ra, IL-6, IL-18, TNF-α, лактоферрин зэрэг 6 төрлийн иммуномодулятор байгааг Л.Амарсанаа (ШУҮ-ийн “Монэнзим” ХХК) анх удаа тогтоосон юм. Лактоферрин төмрийг элэг, чөмөг, булчин руу зөөвөрлөдөг, бактери, вирусын эсрэг үйчлэлтэй. -Lymphocyte activation effect1 7. Бусад: Гүүний саам лизоцим, диастаза, каталаза, пероксидаза, фосфатаза зэрэг 70 гаруй фермент агуулдаг. Эдгээр нь хоол боловсруулалтыг сайжруулан, халдвар авахаас хамгаалахад ихээхэн үүрэгтэй. Эдгээрээс бактерийн эсрэг үйлчлэлтэй лизоцимын хэмжээ үнээний сүүнд байдгаас 4000-10000 дахин илүү, шар сүүний уургийн 11%-ийг эзэлдэг байна. Диастаза буюу амилаза фермент гэхэд гүүний сааманд байдаг хэмжээний дөнгөж 3% нь үнээний сүүнд байдаг ажээ. Ацетилхолин агуулдаг. Гүүний саам эпидермийн өсөлтийн хүчин зүйл EGF (Epidermal Growth Factor) агуулдаг тул ходоод, гэдэсний эдийн ургалтыг тэтгэн, шархлаа үүсэхээс хамгаалж, гэдэсний салст бүрхүүлийн ургалтыг сайжруулж байдаг. Монгол Улсын Төрийн соёрхолт, доктор Ph, дэд профессор Ж.Алимаа ШУҮ-ийн “Монэнзим” ХХК, зөвлөх ШУҮ-ийн “Монэнзим” ХХК-ын захирал М.Алтанцэцэг.monenzyme@mongol.net

Categories
Чөлөөт

Үерт урсаж байсан хүүг аварсан 2 цагдаа 💪 Тэднийг алдаршуулан #SHARE хийгээрэй

Сайхан сэтгэлт цагдаа нар Үерт урсаж байсан хүүг аварсан. Азтай хүү 2 цагдаа таараагүй бол юу болохыг таашгүй 💪 Тэднийг алдаршуулан #SHARE хийгээрэй Шөлний хөөсөнд таны мэдэхгүй олон нууц нуугдаж байгаа! Хүйтэн усанд халж буй махан доторхи уураг нь усруу шилждэг байна. Харин буцалж буй усруу мах хийвэл уураг махандаа үлддэг гэнэ. Хэрэв танд шөлнөөсөө илүү амттай мах хэрэгтэй бол буцалсан усанд болгох хэрэгтэй. Харин шөл гаргах хэрэгтэй бол хүйтэн усанд хийж байгаарай. Мөн шөлөн дээр үүссэн хөөсийг шүүж авах гэж бүү яараарай. Учир нь тэрхүү хөөс нь маханд байдаг олон төрлийн амин дэм уургийг өөртөө шингээгээд авчихсан байгаа гэсэн үг юм. Хэрэв хөөс хэт их байгаад сагаад байвал, бага зэрэг сонгино хийх эсвэл тогоон дээрээ модон хусуур, халбага тавихад хангалттай. Мөн хөөсний өнгийг ажиглаж байгаад, шүүж асгах, эсвэл хутгаж идэхээ шийдэж болно. Хөөсний өнгө цагаан байвал энэ нь уурагтай гэсэн үг, харин улаан байвал цус гэсэн үг байна шүү. Ингээд та бүхэндээ амттай хоол хийхэд туслах хэдхэн зөвлөгөөг хүргэе. – Хэрэв шөлний давс ихэдсэн бол цагаан будаа хийж болно. – Хэрэв амттай, шүүслэг мах идье гэж байгаа бол буцлам халуун усанд хийж байгаарай. Харин шөл гаргая гэж байгаа бол хүйтэн усанд махаа хийнэ. – Махны шөлийг болохоос нь өмнө хагас цагийн өмнө давслах, загасны шөлийг буцалмагц, мөөгний шөлийг бэлэн болох үед давсалж байгаарай. – Шөлөө илүү амтай болгохыг хүсэж байвал бөөрөнхий сонгины угаасан хальсыг хийгээд үзээрэй. Илүү амттай болно. – Хэрэв лаврын навчаар амталдаг бол шөл болсны дараа заавал авж байхаа мартуузай. – Хуурсан гурил шөлөнд хийвэл шөлөн дахь амин дэмийг илүү удаан хадгалдаг. Шэйр хийгээд хадгалаад аваарай

Categories
Чөлөөт

Та зөвхөн буцалсан ус уугаад асгарсан их сүүтэй болно. Туршаад үзээрэй.

Та зөвхөн буцалсан ус уугаад асгарсан их сүүтэй болно. Туршаад үзээрэй. Төрсний дараа ээжүүдийн хамгийн их санаа зовдог зүйл нь хөхөнд сүү орохгүй, хүүхдээ цатгаж чадахгүй байх явдал юм. Хөхүүл эмэгтэйн ам их цангаж шингэний дутагдалд амархан ордог. Тиймээс шингэн зүйл сайн уух хэрэгтэй. Мөн хүний биеийн 70% уснаас бүрдэг. Халуун бүлээн ус ууссанаар цусны эргэлт сайжирч, цус багадалтаас сэргийлэх ач тустай. Насанд хүрсэн хүний зүрх өдөрт 10.000 литр цус шахдаг бол элэгэнд цусны эргэлт 1 цагт 4 удаа эргэлдэг байна. Харин эмэгтэй хүний хөх нь ил байрладаг эрхтэн учир цусны эргэлт өдөрт 1 л удаа эргэлдэг гэнэ. Тиймээс хөхөнд эргэлдэх цусны эргэлтийг сайжруулахын тулд халуун бүлээн ус уух нь хамгийн үр дүнтэй арга юм. Орой унтахаасаа өмнө 2 литр буцалсан халуун усыг яг 1 цагийн дотор уувал цусны эргэлт сайжирч, бие дулаацан, хөлс чайхарч шөнөдөө л хөх чинэрч сүү асгарч эхэлнэ. Хөхны сүү багасаад ирвэл хэдэн ч орой ууж болно. жич: энэхүү аргыг хэрэглэсэн 10 хөхүүл эмэгтэйн 9 нь амжилтай сүү орсон байна.

Categories
Чөлөөт

Орос хийн хоолойгоо Монголоор заавал дайруулахаар шийдвэртэй тэмцэж байгаагын учир нь:

Монголын ЭЗ-т доод тал нь жилд 3 тэрбум долларын дамжин өнгөрсний татвар орно. Энэ нь Хятадын өрийн дарамтанд улам бүр орж байгаа Монголын ЭЗ-ыг сэргээхээс гадна Орос Монголын харилцааг эрчимтэй сэргээхэд тустай 2. Хийн хоолойн нь мэдээж Оросын өмч байх учраас ирээдүйд ирж болох Хятадын Монголын эсрэг түрэмгийлэлд хаалт болох үүднээс Оросын өмчийг байршуулах 3. Монгол бол Оросын найдвартай түнш гэдгийг дэлхий нийтэд ойлгуулах Тэгвэл эсрэгээр Хятад яагаад Монголын нутгаар дамжуулахыг эсэргүүцэж байна: 1. Монголын ЭЗ маш жижигхэн учир хийн хоолойн дамжин өнгөрөх татвар 3 тэрбум доллар Хятадын Монголыг өрөөр боомилон авах санаархлыг мэдээж дордуулна. 2. Монголыг эзлэн авах төлөвлөгөөнд нь мэдээж Оросын өмч хийн хоолой бас л багагүй төвөг тарьна 3. Монголын нутгаар дамжин өнгөрөх энэ хоолой олон улсад Монгол бол Хятадыг биш Оросыг илүү түшиглэж байгааг ил тод харуулна. Тийм учраас Оросууд заавал Монголоор дайруулахаар Хятадууд эсэргүүцсэн байдалтай байгаа юм. Гэхдээ Оросууд хүчээр Хятадуудыг зөвшөөрүүлэхээр шийдэн тэдний эцсийн хариуг хүлээлгүй хоолойгоо эхлүүлэх шийдвэр гаргажээ. Энэ нь мэдээж Монголд хамгийн ашигтай байх болно. БОЛДСАЙХАН ЭМЧИЙН ЗӨВЛӨМЖ. Өөхтэй махааа л идэж, айраг сүүгээ ууцгаа өөр юу ч хэрэггүй шүү. Монгол хүний биеийн онцлогоос шалтгаалж өөх, мах зайлшгүй хэрэгтэй гэж ярьж байна. Гэтэл дэлхийн зарим орнууд өөх, тостой махнаас татгалзаж, эрүүл мэндэд муу гэдэг талаас нь тайлбарлаад байдаг. Энд ямар зарчмын ялгаа байна вэ? Европын анагаах ухаан 50 гаруй жил өөх тостой мах хүний биед муугаар нөлөөлнө гэж ярьдаг байсан. 50 гаруй жил тэгж ярьж байснаасаа уучлалт гуйж эхэлсэн. Олон жилийн турш өөх, улаан мах битгий ид гэж хэлсэн маань зөв баталгаатай судалгаан дээр тулгуурлаагүй өнгөц байсан байна гэж хэлээд ард иргэдээс уулчлалт хүссэн. Шинэ судалгааны үр дүнгээр өөхтэй мах идэж байгаа хүний зүрх судас өвдөх нь бага, тархины судас нарийсах нь бага, таргалах магадлал бага, даралт ихсэх, дотоод гэдсэнд эерэг нөлөөтэй. Миний хувьд хэдэн санаа хэлэхэд, нэгдүгээрт монголчууд өөх идэж бай. Хоёрт, миний хэлээд байгаа ид, уу гэсэн зүйлүүд бүгд байгаль дээр байдаг бүтээгдэхүүн. Чихэр гэж байгалийн бүтээгдэхүүн байдаггүй. Харин байгалийн бус бүтээгдэхүүнээс татгалзаж байх хэрэгтэй. Сүүлийн 2-3 гурван жилийн хугацаанд Америк, Европын хэдэн зуун мянган хүн оролцсон судалгаагаар улаан мах, өөхтэй мах нь хүний эрүүл мэндэд эерэгээр нөлөөлнө гэсэн судалгааны үр дүнгүүд гарч эхэлсэн. Америкууд цэвэр цөцгийн тос идэж эхлээд байгаа. Америкийн хүн амын 70 хувь таргалалттай, хэт бүдүүн. Дээр нь тархиндаа өөрчлөлттэй. Зөнөглөх, мартах, зүрх судасны өвчнөөр их өвчилдөг. Энэ нь улаан мах идэхийг хориглосонтой холбоотой.

Categories
Чөлөөт

Лагерьтаа байшин барьж байгаа бол үүнийг заавал уншаарай! Маш хэрэгтэй мэдээлэл байна шүү

Нээрээ л лагерь дээрээ гэр бүлээрээ агаарт гарч байгаа айл хөршүүдийн маань байшингийн хана ийм дсп хавтан харагдах болсон. Гэтэл мэргэжлийн хүмүүсийн зөвлөснөөр барилгын материалууд дундаас дсп хавтан олон төрлийн химийн нэгдэл агуулсан байдаг учраас хүний биед хортой байдаг гэнэ. Цахим орчинд энэ тухай нийтэлсэн нэгэн залуугийн постыг онцоллоо. Сүүлийн үед лагер дээрээ байна гэсэн пост болгон дээр айлуудын хана нь ийм харагдах боллоо. Ийм хавтан хүнд маш хортой гэдэг нь тогтоогдчихоод байхад яагаад энийг заруулаад байдаг юм болоо? Хүмүүс үүнийг нь мэдэхгүй зуслангийн байшингаа энүүгээр битүү доторлоод үр хүүхдээ агаарт биш, хорлуу аваачаад байна. Нэгэнт хийлгэсэн айлууд үүнийг сайн будах, сайн гипсэн хавтангаар давхарлах зэрэг шаардлагатай арга хэмжээ авахыг найз нөхөд, хамаатан садангууддаа сайн сануулж байгаарай. Модны үртэс гэхиймуудаа энийг хавтан болтол нь наадаг цавуу нь ацетонтой лак гэх мэт нилээн хэдэн төрлийн химийн нэгдэл агуулсан байдаг бөгөөд тэдгээр бодисууд хавтангийн зай завсраар агаарт дэгдэж өрөөний агаарыг бохирдуулахаас гадна амьсгалын замаар дамжин хүний биед аажмаар нэвчин ороод уушиг болон бусад эрхтэнгүүдэд нөлөөлж хорт хавдар үүсгэх магадлалтай байдаг. Иймд насаараа амьдрах байшингаа барихдаа эрүүл мэндэд хоргүй, байгалийн органик бүтээгдэхүүн сонгохыг зөвлөе.

Categories
Чөлөөт

Монголын том эрх ашгийн төлөө ЕРӨНХИЙ САЙД Л.ОЮУН-ЭРДЭНЭ хөдөлж эхэллээ

Дорнод аймгийн Матад, Халх гол гэх хоёр ч сумын нутаг дэвсгэрт үйл ажиллагаа явуулж байгаа БНХАУ-ын 100 хувийн хөрөнгө оруулалттай “Петрочайна Дачин тамсаг”-тай байгуулсан Бүтээгдэхүүн хуваах гэрээний талаар ТВ8 телевизийн “Эрэл” сурвалжлагын хамт олон цуврал нэвтрүүлгийг бэлтгэн хүргэж байгаа билээ. Уг гэрээ нь Монгол Улсад ашиггүй, үе үеийн төр засгийнхан ашиггүй гэдгийг нь мэдсээр байж анхаардаггүй, өөрчлөх тухай боддоггүй явдал юм. Тэр ч битгий хэл, өнөөгийн УИХ-ын 76 гишүүн БНХАУ-тай байгуулсан уг Бүтээгдэхүүн хуваах гэрээний талаар ямар ч мэдээлэл, ойлголт байхгүй байгаа нь нэвтрүүлгийн явцад тодорхой болсон байдаг. Энэхүү асуудлыг “Эрэл” сурвалжлагын хамт олон хөндөж, тэрхүү гэрээг өөрчлөх, цаашлаад Монголын талд ашигтай болгох цаг үе ирсэн гэдгийг онцолж, цуврал нэвтрүүлгээ бэлтгэн хүргэсээр байгаа юм. Хамгийн гол нь, Монгол Улсын нутаг дэвсгэрт үйл ажиллагаа явуулж байгаа БНХАУ-ын “Петрочайна Дачин тамсаг” ХХК-тай байгуулсан Бүтээгдэхүүн хуваах гэрээг эргэн харж, Монгол Улсын хууль тогтоомжид нийцүүлэхээс гадна Монголын тал ашиг хүртэх эсэх нь зөвхөн УИХ болон Засгийн газраас хамаарна.Тэгвэл өнөөгийн Ерөнхий сайд Л.Оюун-Эрдэнэ өнгөрсөн долоо хоногийн Засгийн газрын хуралдаанаар дээрх асуудлыг хөндөж, хэлэлцэхээр оруулж ирсэн нь маш том дэвшил, алхам байлаа. Хуралдаанаас БНХАУ-тай байгуулсан Бүтээгдэхүүн хуваах гэрээг Монгол Улсын хууль тогтоомжид нийцүүлэх Ажлын хэсгийг байгуулахаар тогтжээ. Өөрөөр хэлбэл, Ерөнхий сайд Л.Оюун-Эрдэнийн Засгийн газар Монгол Улсын том эрх ашгийн төлөө хөдөлж эхэлсэн нь олон нийтийн талархал, сайшаалыг хүртээд байна.-УИХ-ЫН ГИШҮҮД ГЭРЭЭНИЙ ТАЛААР ЯМАР Ч МЭДЭЭЛЭЛ, ОЙЛГОЛТГҮЙ БАЙДАГ-ТВ8 телевизийн “Эрэл” сурвалжлагын багийнхан БНХАУ-ын “Петрочайна Дачин тамсаг”-тай байгуулсан эрх шилжүүлэн авах Бүтээгдэхүүн хуваах гэрээг өөрчлөх, нийтээрээ хэлэлцэх цаг нь болсон гэдгийг нэвтрүүлэг бүртээ хөндөж байна.Уг гэрээг өөрчилж, Монгол Улсын хууль тогтоомжид нийцүүлэхийн тулд нэвтрүүлгээ төрийн чихэнд хүргэх шаардлагатай. Тиймдээ ч өнөөгийн парламентад суугаа 76 гишүүнээс гэрээний талаар ямар мэдээлэлтэй байдаг зэргийг тодруулсан байдаг.Харамсалтай нь, гишүүдийн олонх уг гэрээний талаар ямар ч мэдээлэл, ойлголтгүй байсан юм. Тиймээс УИХ-ын гишүүн бүрт БНХАУ-ын “Петрочайна Дачим тамсаг”-тай байгуулсан Бүтээгдэхүүн хуваах гэрээг тараасан билээ.УИХ-ын гишүүн Д.Цогтбаатар: Үндэсний аюулгүй байдлын зөвлөлөөс л батлагдаж гардаг. Тэнд л бүх мэдээлэл нь байгаа байх даа. Түүнээс ямар ч мэдээлэлгүй байна. Харин “Петрочайна дачин тамсаг”-тай байгуулсан эрх шилжүүлэн авсан бүтээгдэхүүн хуваах гэрээний талаар судалж үзээд эргээд байр сууриа илэрхийлж болж байна.УИХ-ын гишүүн Ж.Бат-Эрдэнэ: “Петрочайна дачин тамсаг” компанийн эрх шилжүүлэн авсан бүтээгдэхүүн хуваах гэрээний талаар ямар нэгэн мэдээлэл алга. Ер нь бол энэ гэрээ их олон жил болж байгаа шүү дээ. Бид чинь нефтийн үйлдвэртэй болно. Нефтийн үйлдвэрийнхээ гол түүхий эдийг тэндээс л авна. Тэгэхээр эртхэн тэдэнтэй яриа хийж, тэдэнтэй гэрээгээ хийж, тэр гэрээндээ тусгаад нефтийн үйлдвэр бэлэн болоход шууд л бүтээгдэхүүнээ авдаг нөхцөл байдлыг л бэлэн болгох шаардлагатай.УИХ-ын гишүүн Ц.Мөнх-Оргил: Надад ямар ч мэдээлэл алга. Судлаагүй байна, судалж байгаад хариу тайлбар хэлье.УИХ-ын гишүүн С.Чинзориг: Одоогоор бол “Петрочайна дачин тамсаг” компанийн эрх шилжүүлэн авах бүтээгдэхүүн хуваах гэрээний талаар мэдээлэл алга. Өмнө дэд сайд, Засгийн газрын сайдаар ажиллаж байхдаа мэдээлэл авч байсан. Ойрд УИХ-ын гишүүдэд ямар нэгэн мэдээлэл өгөөгүй. Яах вэ, Хөдөлмөр нийгмийн хамгааллын сайдаар ажиллаж байхдаа тэнд ажиллаж байгаа Монгол иргэдийн хөдөлмөр эрхлэлт зөрчигдөж байгаа эсэх, нийгмийн хамгаалалттай холбоотой асуудал нь шийдэгдэхгүй байгаа зэргээр үг хэл гардаг байсан. Бид тухайн үед Ажлын хэсэг дээр ажиллаж байсан асуудал бол бий. Одоогоор бол бүтээгдэхүүн хуваах гэрээний биелэлт, нөөц, Засгийн газрын хүлээсэн мэдээлэл зэрэг нь бол алга байна.УИХ-ын гишүүн Б.Бат-Эрдэнэ: Ер нь тодорхой мэдээлэл бол алга. Байнгын хорооноос Ажлын хэсэг гаргаж, газар дээр нь очиж ажиллах хүсэлт тавьсан. Намрын чуулганы үеэр ажиллаж чадаагүй. УИХ-ын Аюулгүй байдал, гадаад бодлогын байнгын хорооны хуралдаан дээр асуудлыг дахин хөндсөн. Ажлын хэсэг очиж ажиллах байх. Миний ойлгож байгаагаар бол 1990-ээд оны эхээр Америкийн компани лицензийг авсан. Тэр үед жигтэйхэн хачин сайхан юм болох нь гээд л гадаадын гуравдагч орны хөрөнгө оруулалт орж ирж байна гэж л ярьж байсан. Яг бодит байдал дээр бол “Оюутолгой”-той адилхан. Нөгөө ашиг харж байгаа гадаадын компани чинь аргагүй шүү дээ. Хятадын компанид өгчихөөд яваад өгсөн. Одоо үүсэж байгаа нөхцөл байдал дээр анхаарал тавихгүй бол нефть дотооддоо үйлдвэрлэнэ гэж том зорилт тавьсан, Дорноговь аймагт үйлдвэр нь баригдаж байна. Гэтэл түүхий эдээ хаанаас нийлүүлэх вэ гэдэг асуудал тулгамдаж байна.УИХ-ын гишүүн Ц.Даваасүрэн: Миний авсан мэдээллээр бол нефть бүтээгдэхүүний 24 хувь нь л Монголд үлддэг юм билээ. Ийм л гэрээ тэр үед хийсэн юм билээ, дэндүү харамсалтай. Энэ гэрээг өөрчлөх гэж 2013 онд Х.Болорчулуун гишүүн чадаагүй. Уг нь, нэмэгдүүлээд 50, 50 хувь болгоё гээд чадаагүй. Энэ гэрээ өөрчлөх ёстой. Баялаг ордуудаа хэдхэн хувийг нь авч үлдээд байхад эдийн засгийн хүндрэл, улс орны асуудлыг шийдэх юм. Энэ гэрээг хамгаалдаг хүмүүс байдаг. Манайд байгаа ганц, хоёр хүн л энэ гэрээний улаан хамгаалагч болоод явж байдаг.УИХ-ын гишүүн Ж.Ганбаатар: Мэдээлэлтэй байж болно гэхдээ та нар байнгын хороо, УИХ, Засгийн газрын хуралдаанаар орсон үед нь асуух ёстой. Түүнээс хувь гишүүнийхээ талаас ямар нэгэн тайлбар мэдээлэл өгмөөргүй байна.УИХ-ын гишүүн Б.Энхбаяр: Надад ямар нэгэн мэдээлэл алга.УИХ-ын гишүүн Б.Энх-Амгалан: Энэ асуудлаар УИХ-ын Аюулгүй байдал, гадаад бодлогын байнгын хорооноос Ажлын хэсэг гарчихсан ажиллаж байна. Ажлын хэсэг одоогоор мэдээллээ цуглуулж байна. Учир нь, өнгөрсөн жил ярьж байж төрийн аудит оруулсан юм. Бүх талынх нь мэдээллийг авч байгаад ярихгүй бол дутуу мэдээлэл яваад байгаа юм.УИХ-ын гишүүн Д.Тогтохсүрэн: Гэрээг нь хараагүй. Миний хувьд Монгол Улстай гэрээ байгуулаад гэрээнийхээ дагуу явж байдаг л гэсэн ойлголттой байна. Өөр ямар ч мэдээлэл, ойлголт алга.УИХ-ын гишүүн С.Бямбацогт: Ямар ч мэдээлэл алга, гэрээг нь хараагүй.УИХ-ын гишүүн Б.Пүрэвдорж: Гэрээг уншаагүй, хараагүй. Ямар нэгэн мэдээлэл алга. Өмнө нь Монгол, Хятад ажилчдын харьцааны асуудал, олон Хятад иргэд ажиллаж байна, Монгол иргэдийн цалингийн зөрүүний асуудлаар уулзалт хийж, тодорхой шийдвэр гаргаж байсан. Бусдаар бол тодорхой мэдээлэл алга байна.УИХ-ын гишүүн Ё.Баатарбилэг: Гэрээний талаар мэдээлэл алга. Гэхдээ бүтээгдэхүүн хуваах гэрээ байгуулаад олон жил болчихлоо шүү дээ. Хятадын тэр компани нь ямар гэрээгээр юм аа дамжуулдаг юм, мэдэхгүй. Миний ойлгосноор хяналт их тааруу байдаг гэж боддог. Гэрээ нь Хөрөнгө оруулалтын тухай хуулиараа л явдаг болов уу гэж бодож байна.УИХ-ын гишүүн Д.Ганбат: Нээх сайн мэдээлэлгүй байна. Гэрээг нь хараагүй.УИХ-ын гишүүн Г.Дамдинням: Гэрээг нь хараагүй, компанийн талаар сонсоогүй.УИХ-ын гишүүн Ш.Адьшаа: Гэрээний талаар мэдээлэл алга.УИХ-ын гишүүн Б.Дэлгэрсайхан: Гэрээг нь хараагүй, тэр талаар “А” ч мэдлэг алга, мэдээлэл алга. Хуулийг нь өөрчлөхгүй л бол болохгүй.УИХ-ын гишүүн С.Одонтуяа: Тэр талаар мэдээлэл байхгүй болохоор ярих боломжгүй байна. Ер нь манай УИХ дахь АН-ын бүлгээс ярилцахаар холбогдох хүмүүсээс нь мэдээлэл авахаар болсон. Дараагийн бүлгийн хуралдаанаар асуудлыг хөндөж, зөвлөхүүдтэйгээ ярилцаж байгаад хариу хэлье.УИХ-ын гишүүн Н.Наранбаатар: Гэрээг нь харсан. Танай цуврал нэвтрүүлгийг үзсэн, нэлээд ойлголттой байгаа. Одоо УИХ-ын холбогдох байнгын хороогоор холбогдох хүмүүсийг нь дуудаж, сайн мэдээлэл авна. Тэрний дараа Ажлын хэсэг гаргаж, тухайн газарт нь очиж ажиллана. Тэр үед нэлээн мэдээлэлтэй болох байх гэж бодож байна.УИХ-ын гишүүн Н.Учрал: Надад ямар ч мэдээлэл алга. Мэдээллийг нь авч байгаад тайлбар хэлэх нь зөв байх. Судалж үзье.УИХ-ын гишүүн, Шадар сайд С.Амарсайхан: Гэрээг хараагүй. Гэхдээ ерөнхий мэдээлэл бол байна. Харин нарийн мэдээлэл алга.УИХ-ын гишүүн Ц.Цэрэнпунцаг: Тэр гэрээг дуулаагүй юм байна. Анх удаа л сонсож байна.УИХ-ын гишүүн Б.Булгантуяа: Гэрээг хараагүй, компанийн талаар ямар нэгэн мэдээлэл алга.УИХ-ын гишүүн Б.Баярсайхан: Хараагүй, яг тодорхой хэлчихээр мэдээлэл алга. Та нар гэрээг хаанаас авсан юм.УИХ-ын гишүүн Х.Ганхуяг: Мэдээлэл алга, гэрээг нь хараагүй. Бүтээгдэхүүн хуваах гэрээтэй байдаг гэдэг л мэдээлэл байна.УИХ-ын гишүүн Ц.Идэрбат: Гэрээг нь бол хараагүй. Дорнодод байдаг талбай. Байгаль орчин сүйдэж байна, орон нутгийн ажилчдын асуудал хурцаар тавигддаг. Улсын төсөвт жин дарах хэмжээний хөрөнгө орж ирдэг гэж ойлгодог. УИХ-ын гишүүн Г.Тэмүүлэн: Гэрээг нь мэднэ. Яг энэ газрын тосны салбарт ажиллаж байсан, ажил хөдөлмөрийнхөө гарааг тэндээс эхлүүлсэн. Дөрвөн жил гаруй хугацаанд газрын тосны салбарт ажилласан, жаргал зовлонг нь сайн мэднэ. Хамгийн анхных гэж хэлж болохоор газрын тосны бүтээгдэхүүн хуваах гэрээнүүдийн нэг нь “Петрочайна дачин тамсаг” байх. Ерөнхийдөө анхдагч хоёр, гурван гэрээ бий. Ашигтай, ашиггүй гэдгийг ярихаасаа эхлүүлээд байгуулсан гэрээнүүд газар, тэнгэр шиг ялгаатай болоод байгаа юм. Эрх зүйн орчин талаасаа гэрээг сайжруулж ажиллах хэрэгтэй. Энэ бол УИХ-ын анхаарч ажиллах зүйл мөн юм. УИХ-ын гишүүн Б.Чойжилсүрэн: Бүтээгдэхүүн хуваах гэрээг хараагүй. Газрын тос олборлодог гэдэг л мэдээлэл байна. Гэхдээ тэр 26 хувийг судлах хэрэгтэй. Нэг талаас Монгол Улсын эрх ашиг хангагдаж байна уу гэдэг асуудал хөндөгдөх нь тодорхой. Нөгөө талаас хөрөнгө оруулагчдаа үргээхгүй байх нь их чухал шүү дээ.УИХ-ын гишүүн М.Оюунчимэг: Нарийвчилж бол хараагүй. Гэхдээ бүтээгдэхүүн хуваах гэрээг өөрчилж, шинэчлэхгүй бол манайхаас хилээр үнэ дээр алдаа их байна гэдэг асуудал хөндөгдөж байсан. Бид бүтээгдэхүүн хуваах гэрээтэй холбоотой өөрчлөлтийн талаар тухай үеийн Сангийн сайдад өгч байсан. Сангийн яамнаас Ажлын хэсэг гараад ажиллаж байгаа гэж ойлгож байна. УИХ-ын гишүүн Т.Доржханд: Хараагүй, сүүлийн үед маш олон сэтгүүлч асуугаад байх шиг байна. Бүтээгдэхүүн хуваах гэрээний талаарх мэдээллийг УИХ дээр сонсчихмоор байгаа юм. Өнөөдөр дайны байдалтай байгаа үед Монгол Улс нефтээ хаанаас авах вэ, цаашид өөрсдөө үйлдвэрлэх нь зүйтэй гэж яриад байсан шүү дээ. Газрын тос олборлох, хайх ажлаа эрчимжүүлэх хэрэгтэй. УИХ-ын гишүүн Сү.Батболд: Гэрээний талаар тодорхой мэдээлэл алга байна. УИХ-ын гишүүн Н.Алтанхуяг: Би нарийн хараагүй, үзээгүй. Олон жилийн өмнө байгуулсан гэрээ байх ёстой. Тиймээс судалж үзэх нь зүйтэй байх. Бүтээгдэхүүн хуваах гэрээ гэж ерөнхийд нь л мэдэж байна. Өнөөдөр надад хэлэх зүйл алга. УИХ-ын гишүүн Б.Баттөмөр: “Петрочайна дачин тамсаг”-тай танилцах Ажлын хэсэг байгуулж ажиллана гэж өнгөрсөн онд төлөвлөсөн юм. Цар тахлаас болж хойшлуулчихсан байгаа. Гэхдээ ирэх сард явж үзнэ, холбогдох хяналтын байгууллагыг оруулсан хэлэлцүүлгийг хийнэ. Харин бүтээгдэхүүн хуваах гэрээг бол харж байсан, хэдэн хувь гэдгийг нь бол сонсож байсан.

Categories
Чөлөөт

“Хуан Жу Гэг” буюу Жао Вэй улс төрийн золиос болж, улсаасаа дүрвэжээ

Хятадын алдарт жүжигчин, “Хуан Жу Гэг” киноны Шиаояанзи дүрээр алдаршсан Жао Вэй улс төрийн золиос болж буй талаар олон улсын хэвлэлүүд өнгөрсөн долоо хоногийн сүүлээр мэдээлж байсан билээ. Тэгвэл өчигдөр буюу ням гарагт тэрбээр эх орноосоо дүрвэж Франц руу ниссэн тухай цахим орчинд шуугьж байна.өөрийн хувийн онгоцоороо Францын Бордо хотод газардсан болохыг зарим эх сурвалжууд хэлж байгаа ба болон түүний нөхөр Хуан Юлоннар тус хотын ойролцоо байрлах усан үзмийн талбайтай юм. Хятад тэрбумтан, жүжигчин ЖаВэйгийн тоглосон олон тооны бүтээлийг Хятадын томоохон видео платформ дээрээс хассанаас гадна түүний оролцсон ;нэвтрүүлэг ток шоу, телевизийн цувралуудыг ч мөн устгаж, Бээжингийн эрх баригчдын ;хар жагсаалтад оруулсан байна.Түүнийг яагаад ийнхүү гадуурхах болсныг тодруулбал Жао Вэй нь нөхрийн хамт Alibaba Pictures Group-ийн анхны хувьцааг худалдан авч, томоохон хөрөнгө оруулалт хийсэнтэй холбоотой гэж ажиглагчид үзэж буй юм. Учир нь өнгөрсөн жилээс эхлэн Alibaba компани Хятадын засаг захиргаатай асуудалтай болсон ба одоо ч энэ нь шийдэгдээгүй байгаа ажээ. Иймд тус компанитай холбоотой алдартнууд болон удирдагчдыг улс төрийн золиос болгох явдал нэмэгдэж буй гэнэ