Categories
Чөлөөт

Тэг бүлгийн цус хэдэн сая хүний амь аварна! Одоо хүн болгон донор болж чадах ажээ

Орчин үед цусны донорын асуудал хурцаар тавигдаж байна. Юуны түрүүнд донорын дутагдалд орсонтой холбоотой. Эмч нар цусны бүлэг тохирохгүй байгаа асуудлыг шийдэх боломжтой гэж үзэж байна. Универсал цусны бүлэг бүтээх ажил дээр эрдэмтэд сүүлийн хэдэн арван жил ажиллаж байгаа юм. Тэдний судалгааны ажилд саяхан л томоохон амжилт гарчээ. Хенрик Клаузын удирдлага дор ажилласан Дани, АНУ болон Шведийн эрдэмтэд дурын бүлгийн цусыг тэг (бас нэг ч гэж байгаа) бүлгийн цус болгож хувиргах арга олжээ. Цус сэлбэх ажиллагаа Хүний цус дөрвөн бүлэгт хуваагддаг, энэ нь цусны антигенуудаас шалтгаална – эритроцит дахь А болон В агллютиноген, мөн цусны плазмд байгаа a болон b агллютинин. Тэг бүлгийн цус нь зөвхөн a болон b агллютинин агуулна, харин бусад бүлгийн цус хослох нь бий: хоёрдугаар бүлэг – А болон b, гуравдугаар – а болон В, дөрөвдүгээр – А болон В. Дурын цусны бүлгийг тэг болгохын тулд эрдэмтэд кофейны шошны ногоон ферментийг ашиглажээ. Харамсалтай нь хүсэн хүлээсэн үр дүнг өгсөнгүй: маш олон туршилт хийж байсан,  сэтгэлээр унахаар үе ч зөндөө тохиолдож байв. Эрдэмтэд хэд хэдэн микроб хийхээр шийдэв: нэг нян нь А агллютиногенийг хөөнө, нөгөө нь В агллютиногенийг хөөнө. Амжилттай судалгааны дараа эрдэмтэд америкийн ZymeQuest-ийн үйлчилгээг авахаар шийджээ. Тэд цус боловсруулах тусгай төхөөрөмжийг зохион бүтээжээ. “Цус өөрчлөх” шинэ аргыг клиник түвшинд туршиж байгаа буюу маш цөөн тооны эмнэлгүүдэд л тэг бүлгийн цус ашиглаж байна. Анагаахын шинэ нээлт тун удахгүй олон нийтэд хүртээмжтэй болно гэж найдаж байна.

Categories
Чөлөөт

Таны бие махбодь стресст орсныг илтгэх 10 шинж тэмдэг

Бие эвгүйрхэх үе гаралгүй л яах вэ, гэхдээ эртнээс тавгүйрхэж таныг зовоогоод байгаа бол эрүүл мэндээ анхаарах цаг болсныг илтгэнэ. Магадгүй бие тавгүйрхээд байгаагийн шалтгаан нь стресс байж болно. Стресс таны эрүүл мэндэд муугаар нөлөөлж байгааг илтгэх түгээмэл шинж тэмдгийг танилцуулахаар бэлдлээ. 1. Арьсны өвчлөл Псориаз, батга зэрэг өөр бусад арьсны өвчлөл нь стрессээс болж гарах магадлалтай. Сэтгэл зүйн өндөр ачаалал болон арьсны асуудал нь шууд холбоотой болох нь оюутнууд дээр хийсэн эрдэмтдийн туршилтаар батлагджээ. Мөн хулгана дээр хийгдсэн туршилт ч адил үр дүн өгсөн байна. Амьтдыг сэтгэл зүйн стресст оруулахад арьсны халдварт өвчинд амархан нэрвэгдэж байжээ.   2. Тогтворгүй жин Биеийн жингээ хоолны дэглэм, спортоор тогтворжуулж чадахгүй байх үе танд тохиолдож байсан уу? Сэтгэл санаа тогтворгүй байхад богино хугацаанд жин нэмэгдэнэ. Энэ үед стрессийн гормон болох кортизол ихээр ялгардаг. Уг гормон нь өөх тос болон нүүрс усны бодисын солилцоог идэвхжүүлж цусан дахь сахарын хэмжээг нэмэгдүүлдэг байна. Гормон их болох тусам хүн их иднэ, харин бие махбодийн ялгаруулах тестостероны хэмжээ багасч бага калори шатаах ажээ. Ингээд л та таргалж байгаа юм. Харин зарим нэг хүмүүс эсрэгээрээ стрессийн үед хурдацтай турдаг. Үүнд цусан дахь адреналины хэмжээ нөлөөлж байгаа юм. Турж байгаагийн бас нэг шалтгааныг эрдэмтэд CRH гэх гормонтой холбон тайлбарлаж байна.   3. Байнгын ханиад Стрессийн үед кортизолын хэмжээ нэмэгддэг гэж дээр дурдсан, энэ нь үрэвсэл дэгдэхэд нөлөөлнө. Архаг стрессийн үед дархлааны систем кортизолд хэт мэдрэг болдог, энэ нь үрэвслийн явцыг хурдлуулдаг байна. Өөрөөр хэлбэл та ханиад томуунаас салахгүй. Ханиад хүрлээ гээд хүйтэн цаг агаарыг буруутгах хэрэггүй, энэ бол таны суларсан дархлаатай холбоотой. Хэрвээ байнга өвдөөд байвал амьдралд таны сэтгэлийг зовоож байгаа асуудлаа шийдэхийг хичээгээрэй.   4. Гэдэс ходоод хямрах Стресс гэдэс ходоодны үйл ажиллагаанд сөрөг нөлөө үзүүлж байгааг шинжлэх ухаан баталсан. Гэдэс дүүрсэн үед эм тус болохгүй байх тохиолдол бий, энэ үед сэтгэл зүйч дээр очихоос өөр аргагүй. Эмч таныг үзээд зохих эмчилгээг эхлүүлэх болно.   5. Анхаарал сарних Удаан хугацаанд стресст орсон хүн анхаарал хандуулах чадвараа алддаг. Хэрвээ та өөрийгөө уймраа болсон гэж үзэж байгаа бол амралтаа авахыг зөвлөж байна.   6. Үс унах Стресс нь бүхэлдээ эсвэл хэсэгчлэн халцрахад хүргэнэ гэж эрдэмтэд үзэж байна. Үсээ арчлаад, нэмэлт амин дэм уугаад байхад л үс тань шингэрээд байвал стрессийг буруутгахаас өөр аргагүй. Тэгэхээр уурлаж уцаарлах хэрэггүй, тайван сайхан амрахыг хичээ.   7. Толгой өвдөх Толгой өвдөх олон шалтгаан бий: остеохондроз, буруу байрлалаар хэвтэх, цусны даралт багасах, ихсэх, гайморит, жирэмслэлт … Зарим тохиолдолд стресс толгой өвдөх шалтгаан болно. Эм уусны дараа өвчин намдана, гэхдээ стрессийн шалтгааныг олохгүй л бол дахиад л өвдөнө.   8. Бэлгийн харилцаанд орох сонирхолгүй болох Сэтгэл санаагаар унах эсвэл стресст орсон хүн бэлгийн харилцаанд орох сонирхлоо алддаг. Энэ дүгнэлтийг эрдэмтэд хэд хэдэн удаагийн туршилтын дараа хийсэн юм. Хэрвээ бэлгийн харилцаанд орох хүсэл төрөхгүй байгаа бол бие биедээ уурлаж гоморхох хэрэггүй. Асуудлын шалтгаан стресст байгаа эсэхийг юуны түрүүнд тодорхойл. Цугтаа амралтаа аваад амралтын газар амарцгаа.   9. Нойрны асуудал Стресс нь нойрны асуудал үүсгэнэ. Сэтгэл санаа зовоосон асуудал таныг нойргүйдэлд хүргэх вий. Нойргүй хоносон хүн маргааш нь ажлаа хийж амьдралын баяр баяслыг мэдэрч чадахгүй. Нойрны эм ч тус болохоо болих цагаар аюулын хэнгэрэг цохино. Нойргүйдэлд хүргэж байгаа шалтгааныг эрт илрүүлж асуудлыг шийдэх хэрэгтэй.   10. Зүрх судасны өвчлөл Амьдралын турш хүний зүрх ямар их ачаалал авдаг гэж бодож байна: баяр хөөр, уйтгар гуниг… Стресс нь зүрхэнд сөргөөр нөлөөлнө. Архаг стресс нь зүрх судасны өвчлөлийн шалтгаан болохыг эрдэмтэд баталсан. Ажлын ачаалал, асуудал, эсвэл эсрэгээрээ ажилгүйдэл, ядуурал, хэрүүл уруул энэ бүгд асуудлыг хүндрүүлнэ. Таны бие махбодь стресст ямар хариу үйлдэл үзүүлдэг вэ? Сэтгэгдэл хэсгээр бидэнтэй хуваалцаарай

Categories
Чөлөөт

Гэртээ хийх боломжтой нурууны хамгийн сайн дасгалууд

Нурууны булчин нь маш чухал үүрэгтэй бөгөөд олон төрлийн дасгалд ачаалал авч ажилладаг. Нурууны булчинг зөв, чанартай ажиллуулах нь бэлтгэл сургуулилтын үр дүнг нэмэгдүүлнэ. 1. Бөхийсөн байрлалаас гараа салгаж гантель өргөх дасгал Амьсгалаа гаргах – гараа салгахдаа. Дасгалыг 15 удаа хийж чадахаар хүндийн жинтэй гантель сонгоно.   2. Бөхийсөн байрлалаас гараа урагш тэгшилж өргөх (гантелтай) Амьсгалаа гаргахдаа урагшаа тонгойсон бөгөөд гараа урагш тэгшилсэн байна. 12-15 удаа хийнэ.   3. Цээж өргөх дасгал Өргөхдөө гарыг бэлхүүсэнд 90 хэмийн өнцөг гаргаж нугална. Гараа буулгахдаа тохойгоо салгана. Өргөх явцад амьсгалаа гаргана.   4. Бөхийсөн байрлалаас гантель өргөж бэлхүүсэнд авчрах Эцсийн цэг – гантелтай гар бэлхүүс орчимд ирнэ. Гантелийг буулгаад нурууны булчинг багахан суллана.   5. Гантелтай хараацай Нэг хөл дээрээ 10 удаа хийнэ, хөл тус бүрээр дасгалыг гүйцэтгэнэ. Ачаалал авахдаа амьсгалаа гаргахаа мартаж болохгүй

Categories
Чөлөөт

Ханиад томууны тухай бидний үнэн гэж бодож явдаг 10 буруу ойлголт

Намар, өвлийн улирал биднийг нарны халуун илчээс холдуулж ханиад томуутай золгуулдаг. Бид өвчний анхны шинж тэмдэг илрэнгүүт л зөв бурууг нь мэдэхгүй төрөл бүрийн аргаар тэмцэх ажээ. Томууны тухай 10 худал цуурхалыг танилцуулж байна, бидний буруу ойлголт эрүүл мэндэд хор уршиг авчирч байгааг анхаарах ёстой. Цуурхал 10: амны хаалт зөвхөн өвчтэй хүнд л хэрэгтэй Худал: хүн өвдөнгүүтээ л бусдад халдаахгүйн тулд шууд амны хаалт зүүх ёстой. Бодит байдал: вирус тээгч биш эсвэл өвчний шинж тэмдэг илрээгүй хүн ч амны хаалт зүүх зөвлөмжтэй. Ингэснээр өөрийгөө өвчнөөс хамгаална.   Цуурхал 9: Томуугийн шинж тэмдэг илэрсэн хүн л ханиад хүрнэ Худал: Гаднаа эрүүл байгаа хүн вирус тээгч биш бөгөөд бусдад өвчин халдаахгүй. Бодит байдал: хүмүүсийн 30% нь вирус тээгч байдаг бөгөөд өөрсдөө вирус тээгч гэдгээ ч мэдэхгүй яваа. Тиймээс ханиад томууны дэгдэлтийн үед харилцаа холбоогоо багасгах, ариун цэвэр сахих, вирусын эсрэг бэлдмэл хэрэглэнэ.   Цуурхал 8: Гадаад хүчин зүйл эрүүл мэндийн байдалд сөргөөр нөлөөлнө Худал: дулаахан хувцас өмсөхгүй бол ханиад томуу хүрнэ. Эсвэл малгайгүй бол. Эсвэл хүйтэнд зайрмаг долоовол ханиад, томуу хүрнэ. Энэ бүх хүчин зүйлс эрүүл мэндэд сөргөөр нөлөөлдөг. Бодит байдал: вируст дарлуулсан тохиолдолд л хүн томуу хүрнэ, гадаад хүчин зүйл нөлөөлөх нь бага.   Цуурхал 7: Эрүүл хүнд вакцин хэрэггүй Худал: Бага насны хүүхэд эсвэл өндөр настай, архаг өвчтэй хүмүүс л вакцин хийлгэнэ. Дархлаа сайтай хүнд хэрэггүй. Бодит байдал: вакцин 100% ханиад томуунаас хамгаалж чадахгүй, гэхдээ ханиад томууны дэгдэлтийн үед өвдөх магадлал багасна. Мөн эв эрүүл хүн ч вакцин хийлгэж болох юм.   Цуурхал 6: Вакцин – ханиад томуутай тэмцэхэд л хэрэгтэй Худал: Вакцин хийлгэснээс хойш айх хэрэггүй, 100% хамгаалагдсан. Бодит байдал: Вакцин хийлгэхээс өмнө болон хийлгэсний дараа ханиад томуутай хүнтэй харилцахгүй байхыг хичээнэ, мөн ариун цэврээ сайтар сахих хэрэгтэй. Энэ үед вирусын эсрэг үйлчилгээтэй бэлдмэл уухыг ч зөвлөдөг. Энэ тохиолдолд та өөрийгөө хамгаалах дархлаа илүү сууна.   Цуурхал 5: Томуу аюулгүй Худал: Эм уучихвал айх аюул байхгүй. Вирусээр дэгдсэн ханиаданд сүрхий анхаарал хандуулах хэрэггүй. Бодит байдал: Ханиад, томууны шинж тэмдэг ойролцоо: хамар битүүрнэ, хоолой улайж өвдөнө, ханиалгана, толгой өвдөнө. Томуу нь илүү хүнд хэлбэрээр тусах магадлалтай, хүндэрч ч магадгүй.   Цуурхал 4: Тахианы шөл ханиад, томууны үр дүнтэй эм Худал: Ханиад томууг эмгүйгээр эмчлэхийн тулд тахианы шөл ууна. Бодит байдал: Бүлээн шөл нь хоолойн үрэвслийг зөөлрүүлнэ гэхдээ эдгэрэлтэд ямар ч нөлөөгүй. Урьдчилан сэргийлэх байдлаар шөл ууж болно гэхдээ хэрхэвч эмчилгээний зориулалтаар дан шөл уухгүй.   Цуурхал 3: Томууны вакцин томуу халдаана Худал: Вакцин хийлгэсний дараа хүний бие эвгүйрхнэ, нөхцөл байдал муудаж ч болно. Тэгэхээр вакцин хийлгэхээсээ өмнө сайтар бодох хэрэгтэй. Бодит байдал: Вакцинд агуулагдах вирус амгүй тул эрүүл мэндэд хоргүй, толгой өвчин, хоолой өвдөх зэрэг шинж тэмдэг нь хурдан арилдаг. Цуурхал 2: Томууны үед антибиотик ууна Худал: Томуугийн вирусын эсрэг үйлчилгээ үзүүлэх учраас нэн яаралтай антибиотик ууна. Бодит байдал: Энэ тохиолдолд антибиотик ямар ч үр дүнгүй. Нян устгах л үйлчилгээтэй, хэрвээ томуу нянгаар үүсгэгдсэн тохиолдолд л антибиотик ууна.   Цуурхал 1: Томуугийн вакцин – амьдралдаа ганц хийлгэхэд л хангалттай Худал: Жил болгон вакцин хийлгэх ямар ч хэрэггүй, нэг удаа хийлгэхэд хангалттай. Бодит байдал: Жил болгоны томуугийн вирус адилгүй, нөхцөл байдалдаа дасан зохицдог. Тийм учраас системтэйгээр вакцинд хамрагдах хэрэгтэй.

Categories
Чөлөөт

Бараг бүгдээрээ л өдөр болгон энэ хүнсийг иддэг, харамсалтай нь үрэвсэл үүсгэдэг гэдгийг нь тэр болгон мэддэггүй

Эрүүл мэнддээ анхаарал тавьдаг хүмүүс эрүүл хүнс идэхийг зорьдог. Эрүүл тос, уураг нь эрүүл мэндийг дэмжих бодис мөн, харин сахар муу тул зайлсхийх хэрэгтэй. Хүнс болгон харилцан адилгүй агууламжтай, бодисын агууламж нь хүний бие махбодид ч харилцан адилгүй нөлөөлнө. Тиймээс хоол хүнс сонгохдоо анхаарал болгоомжтой хандахыг зөвлөж байна, жишээ нь зарим нэг хүнс үрэвсэлд хүргэх ажээ. Үрэвслийн эх сурвалж болсон хоол хүнс 1. Тараг Тараг нь өглөөний хоолны зөв хувилбар гэхдээ тараг худалдан авахдаа орцыг нь сайтар хараарай. Өнөөдрийн дэлгүүрт зарагдаж байгаа ихэнх тараг зайрмагны адил сахар, тосны агууламж өндөртэй болсон. Сахар нь үрэвсэл үүсгэхээс гадна олон өвчний эх сурвалж болно, жишээ нь жин нэмэгдэх. Тиймээс сахаргүй тараг сонго. 2. Улаан лооль Улаан лооль нь цагаан төмс, улаан болон ногоон чинжүүний нэг бүлэгт хамаардаг. Амттай, шим тэжээлтэй, аюулгүй хүнс, гэхдээ та соланинд мэдрэг биш бол шүү дээ. Улаан лооль нь үрэвсэл үүсгэж зүрх судасны өвчлөлийн эрсдэлийг нэмэгдүүлдэг, мөн үе мөчний өвчин, хорт хавдрын эхлэлийг тавих ажээ. 3. Буудай Цагаан талхыг бүрэн орлодог гэж үзэх хэдий ч эрүүл мэндэд сөргөөр нөлөөлнө. Генетикийн өөрчлөлтөд орсон буудайн хэрэглээнээс татгалзахыг эрдэмтэд зөвлөж байна. Энэ бүтээгдэхүүний уургийн 5-хан хувь нь л сайн. Энэ төрлийн хүнс ихээр хэрэглэснээр харшилтай болох, үрэвсэл үүсгэхэд нөлөөлнө. 4. Цитрусын төрлийн жимс Энэ төрлийн жимснээс харшилгүй бол маш их төрлийн амин дэм, эрдэс бодис авч байгаа нь үнэн. Гэхдээ нөгөө талаасаа цитрус төрлийн жимс нь үрэвсэл үүсгэгч бөгөөд архаг өвчний үндэс болдог ажээ. Орегон мужийн эрүүл мэнд, шинжлэх ухааны институтын эрдэмтэд үрэвслийн эсрэг шилдэг жимсийг олжээ, энэ бол интоор жимс. 5. Будаа Олон төрлийн будаа байгаа, бүгд өөрийн гэсэн шим тэжээлтэй. Харин цагаан будаа нь шим тэжээл багатай, үрэвсэл үүсгэгч. Цагаан будааны нүүрс ус нь богино хугацаанд сахар болж хувирдагт гол шалтгаан оршино. 6. Самар Самар нь сайн тосны эх сурвалж, шим тэжээл ихтэй. Отсеоартиртаар шаналж буй хүмүүс самарнаас татгалзвал зохино. Учир нь самранд агуулагдах гистамин үе мөчинд хуримтлагдаж үрэвсэл үүсгэдэг байна. Самар идсэний дараа үе мөчөөр өвдөөд байвал хоолны цэснээсээ самрыг хасаарай

Categories
Чөлөөт

Хөлийн ванны тусламжтайгаар бие махбодио хэрхэн цэвэрлэх вэ

Хятадын уламжлалт анагаах ухааны эмчилгээ, арга барил арвин их. Жишээ нь, хөлийн ванн нь бие махбодийн эрүүл мэндийг бүхэлд нь дэмждэг ажээ. Яагаад гэвэл хөлөнд дотор эрхтэнд нөлөөлөх цэгүүд байрлах ажээ. Эрүүл мэндэд тустай хөлийн ванны тухай танд танилцуулахаар бэлдлээ. Бие махбодийг цэвэрлэхэд тустай хөлийн ванн Орчин үеийн хүмүүс төрөл бүрийн өвчнөөр их шаналах болжээ. Өвчин тусах хүчин зүйлс их байгаа, жишээ нь суугаа ажил, буруу хооллолт, цаг агаарын нөхцөл, стресс… Тодорхой дотор эрхтний үйл ажиллагааг идэвхжүүлснээр бид олон өвчнөөс урьдчилан сэргийлж чадна. Хөлийн ванн ашигласнаар ямар дотор эрхтнийг бид идэвхжүүлж чадах вэ?   Бие махбодиос хорт бодис хөөх 3 төрлийн хөлийн ванн Эрүүл мэндэд тустай эдгээр ваннд орж сэтгэлийн таашаал аваарай. Эпсомын давстай ванн Орц: ¼ аяга Эпсомын давс ¼ стакан далайн давс ¼ стакан хүнсний сод Эфирийн тос /заавал биш/ ½ аяга алимны уксус Бэлдэх арга: Уксусаас бусад бүх орцуудыг буцалсан халуун устай ваннд хийнэ. Орцууд бүрэн ууссаны дараа бага зэргийн бүлээн ус нэмж алимны уксусаа нэмж хутгана. Хөлөө ваннд хийж хагас цаг сууна. Ваннд суусны дараа бие сулрах эсвэл ядарч болно. Санаа бүү зов. Таны биеэс хорт бодис гадагшилж байгаа хэрэг.   Шавартай хөлийн ванн Орц: ½ стакан бентон шавар ½ аяга Эпсом давс Эфирийн тос /өөрийн хүслээр / Бэлдэх арга: Халуун устай саванд Эпсоны давсаа хийж уусгаад эфирийн тосоо нэмнэ. Шавраа бага усанд хийж зуурна (төмөр саванд зуурахгүй). Шавраа давстай усандаа хийнэ. Багаар бодоход хагас цаг хөлөө ваннд дүрнэ. Биеэс хорт бодисыг богино хугацаанд гадагшлуулахад нөлөөлөхөөс гадна магнийн хэмжээг нэмэгдүүлдэг байна. Устөрөгчийн хэт исэлтэй хөлийн ванн Орц: ½ аяга устөрөгчийн хэт исэл 1 халбага хуурай нунтаг цагаан гаа Бэлдэх арга: Хөлөө дүрэх саванд ус дүүргээд орцуудаа хийнэ. Багаар бодоход хагас цаг хөлөө дүрнэ. Харшилтай, арьсны өвчтэй хүнд маш тохиромжтой ванн.

Categories
Чөлөөт

Бөөрөлзгөнө – аспиринаас ч илүү ач тустай жимс

1. Бөөрөлзгөнө – салицийн хүчил агуулдаг тул үрэвслийн эсрэг, халуун бууруулах үйлчилгээ үзүүлнэ. 2. Залуу насыг хадгална: А, Е, РР, В2 амин дэмээр баялаг, арьсны уян хатан чанарыг хадгална. 3. Ихэнх тайвшруулах эмийн найрлагад орох зэсийн агууламж өндөртэй. Тиймээс стресст орсон бол овоолон овоолон бөөрөлзгөнө ид. 4. Төмрийн агууламж өндөртэй тул цусны төлжилтөнд сайнаар нөлөөлнө. 5. С амин дэм агуулдаг учраас бэлгийн чадварыг дэмжинэ. 6. Фолийн хүчил агуулдаг тул жирэмслэхээр төлөвлөсөн эсвэл жирэмсэн эмэгтэйчүүдэд нэн тустай. 7. Бөөрний үйл ажиллагаанд сайнаар нөлөөлж хаван бууруулна. Жимсний навч нь шээс хөөх үйлчилгээ үзүүлнэ. 8. Хоолой өвдсөн үед ам зайлах шилдэг ханд. 9. Аспиринийг бодвол ходоод цочроохгүй. 10. Эцэст нь, зүгээр л амттай. Шээс хөөх үйлчилгээтэй цай бэлдэхийг хүсвэл дараах жороор бэлдэнэ. 2 хэсэг бөөрөлзгөнө 2 хэсэг мать-и-мачеха (Tussilago), 1 хэсэг хахуун (душица) орно. 2 х.х ургамлыг 2 стакан усанд хийж 5-10 минут буцалгаад шүүнэ. Шөнө унтахдаа халуунаар нь тал стаканыг ууна. Гаж нөлөөг мартаж болохгүй: жирэмсний үед энэ цайг ууж болохгүй. Харин ханиадыг нам дарна. Бас нэг чухал мэдээлэл. Хөнгөн ханиадыг биеийн тамираар эмчилж болно гэж эмч нар үзэж байна. Жишээ нь, өдөрт 30 минут алхахад ханиад томуу гэртээ зүгээр сууснаас 2 дахин хурдан эдгэрнэ. Гэхдээ нэг нөхцөлтэй, хөл даарч болохгүй. Бөөрөлзгөнийг хоолны дуршил нэмэгдүүлэхэд ашигладаг. Мөн цэр ховхолж гадагшлуулах, ходоодны ажиллагааг дэмжинэ. Эдгээр асуудлыг дараах ханд шийднэ. Нэг стакан бөөрөлзгөнийг 10 минут орчим буцалгаад 20 минут хандалж орхино. Шөнө унтахаасаа өмнө 2 стаканаар ууна (эсвэл 1-2 цагийн зайтай 2-3 стакан ууна, өөр бусад тохиолдолд өдөрт 2 удаа 1 стаканаар ууна). Шинэхэн навчны түрхлэг нь батгыг цэвэрлэнэ. Бөөрөлзгөний навчны 1 хэсэг шүүсийг 4 хэсэг цөцгийн тостой холино. Түрхлэгийг асуудалтай хэсэгтээ түрхэхэд долоо хоногийн дараа арьс тань цэвэрхэн болно. Батга, тууралттай тэмцэх бас нэг сайхан мэдээ бий. Эрдэмтэд 1948-1968 оны хооронд 11 мянган эрчүүдийн өвчний түүхийг үзэж судалжээ. Санаанд оромгүй дүгнэлт хийсэн юм. Өсвөр насандаа батгатай байсан бол зүрхний шигдээсээр өвчлөх магадлал 33%-иар багасна. Хэрвээ таны хүү эсвэл ач, зээ хүү батгандаа шаналаад байвал эрүүл зүрхтэй шүү гэж тайвшруулаарай. Залууу насны батга өтөл насандаа өвдөхөөс хамгаалах гормон ялгаруулж байдаг гэж үзэж байна

Categories
Чөлөөт

Хэрэв та элгээ 20 насаар залуу байлгая гэвэл энэ жимсийг хэрэглээрэй

Хэрвээ бид элгээ хайрлаж, хамгаалж явахгүй бол энэ чухал эрхтнээс шалтгаалсан олон янзын өвчин эмгэгтэй болж болзошгүй. К витамин нь бидний элэгний үйл ажиллагааг сайжруулж, витамин бий болгоход гол үүрэг гүйцэтгэдэг билээ. Тэрхүү витамин нь цаашдаа цусны бүлэгнэлд маш чухал үүрэг гүйцэтгэдэг юм. Гэмтсэн болон хөгширсөн эд эс задардаг нь энэ эрхтний гол онцлог шинж. Энэ нь бидний бие организмд явагддаг олон янзын бодисын солилцоонд элэг ямар их ач холбогдолтой вэ гэдгийг харуулж байна. Бидний элэгний эд эс өөх тосыг хайлуулж тосны солилцоог дэмжих энерги ялгаруулдаг билээ. Элэг бол нөхөн сэргээгддэг эрхтэн гэдгийг олон хүмүүс мэддэггүй. Хүний биеийн хамгийн чухал, хамгийн их нөлөөтэй эрхтэн бол элэг юм. Дээр хэлснээр бид элгээ хайрлаж хамгаалахгүй бол олон төрлийн өвчин тусаж болох юм. Эрүүл бус хүнс, хооллолт, архины хэт их хэрэглээ, таргалалт, зарим төрлийн эм нь элэг гэмтээх гол нөхцөл болно. Африк болон Азид элэгний үйл ажиллагааг сайжруулахын тулд энэтхэг хасарваань хэрэглэдэг. Энэ жимс нь зүрх судасны системийг бэхжүүлж, ходоод гэдэсний хямралыг анагаахад тустай. Мөн өөр олон ашигтай, хүний биед тустай шинж чанарыг агуулдаг учир олон хүмүүс энэ жимсийг ердийн хэрэглээ болгосон байдаг. Энэ гайхамшигтай жимс таны биеэс өөх тосыг гадагшлуулах, хордлого тайлахад  онцгой тустай. Мөн бидний элгийг хамгаалж, хоол боловсруулахад сайнаар нөлөөлөн, холестерины хэмжээг багасган, цөсийг эмчлэх зэргээр биеийн эрүүл мэндэд маш сайнаар нөлөөлдөг жимс юм. Элэгний өвчин болон шар өвчнийг эмчлэх эмчилгээний арга: Хоёр хэсэг цэвэрлэсэн энэтхэг хасарваанийг блендер буюу холигчид хийж 1 литр ус нэмнэ. Сайн хольсны дараа шүүж өдрийн турш ууж хэрэглэнэ. Энэтхэг хасарвааний 25 навчийг угааж цэвэрлэн төмөр саванд (данх ) хийж 15-20 минут буцалгаад хөргөнө. Дээр нь бага зэргийн цай болон бор сахар, элсэн чихэр хийж болох боловч хэмжээг нь хэтрүүлж болохгүй. Энэтхэг хасарвааний цай чихэртэй биш чихэрлэг төдий байх ёстой. Энэ цайг өдөрт хоёр удаа буюу өглөө болон унтахын өмнө тус бүр нэг аяга ууж элгээ хамгаална. Энэтхэг хасарвааний ач тус болон түүнийг нь ашиглах арга: Энэтхэг хасарваань нь өтгөн хатсан үед хэрэглэхэд сайн. Энэ жимснээс хэсгийг чанаад хоолны халбагаар хэрэглэ. Энэ жимс таны биеийн дэх хүчиллэг бодисыг саармагжуулна. Энэтхэг хасарваань хэрэглэж байгаа үедээ та цусан суулга өвчнөөс бүрэн хамгаалагдана. Энэтхэг хасарвааний навчаар хийсэн цай ууж хумхаагийн чичиргээг багасгадаг. Энэтхэг хасарваань С витаминаар баялаг учир таны биеийн үйл ажиллагааг дэмжихээс гадна шүдэнд маш сайнаар нөлөөлдөг. Энэ жимс нь фенол болон нарингенинтэй учир зарим төрлийн хорт хавдрын эсрэг тэмцэхэд тус болдог. Энэтхэг хасарваань олон тэжээллэг бодис агуулдаг ба тэдгээрийн зарим нэг нь:  Зэс Ширхэглэг Төмөр Тиамин Магни Фосфор Кальци Ниацин Эдгээр тэжээллэг бодис нь энэтхэг хасарваанийг жинхэнэ супер-жимс болгодог билээ. Та энэ жимсийг өөрийн өдөр тутмын хэрэглээ болгож ашиг тусыг нь байнга хүртэж байгаарай

Categories
Чөлөөт

Эмэгтэй хүнд хэдэн цагийн нойр хэрэгтэй вэ

Дьюкийн их сургуулийн эрдэмтдийн үзэж байгаагаар эмэгтэйчүүд эрчүүдээс илүү их цаг нойрсох ёстой гэжээ. Дутуу нойр нь эмэгтэйчүүдэд илүү хор хөнөөлтэй байгааг саяханы судалгаагаар тогтоосон байна. Дунд орчим насны 210 эрчүүд, эмэгтэйчүүд дээр туршилт хийсэн байна, тэд урьд өмнө нь нойрны асуудалтай тулгарч байгаагүй хүмүүс. Туршилтанд оролцогчид бүгд тамхи татдаггүй, гормоны ямар нэгэн эмчилгээ хийлгэж байгаагүй. Судалгааны үндэслэл Дээр дурдсан нөхцлийг хангасан хүмүүсийг хоёр аргаар ажиглаж байв. Нойрны дадал, сэрээд юу мэдэрч байгаагаа тэмдэглэнэ. Мөн тэдний тодорхой био маркерийг тодорхойлохын тулд цусны бүлгийг нь авчээ. Судалгаанд оролцсон хүмүүсийн 40% нь өөрсдийгөө нойрны асуудалгүй гэж үзэж байсан хэдий ч угтаа тэд нойрны асуудалтай байжээ. Эдгээр “асуудал” нь унтах болон сэрэх тэр үеийнхэд хамаарч байв. Хамгийн сонирхолтой нь энэ бүлэг хүмүүсийн ихэнх нь эмэгтэйчүүд болно. Муу нойр эмэгтэйчүүдэд халтай Нойрны муу дадал зуршилтай эмэгтэйчүүдийн сэтгэл санаа тайван бус, уур уцаар ихтэй байхад нойрны асуудалтай эрчүүдэд ийм өөрчлөлт төдийлөн мэдрэгдээгүй байна. Бие махбодийн хувьд ч эмэгтэйчүүдэд сөрөг өөрчлөлтүүд илэрсэн, жишээ нь дутуу нойртой хоноход эмэгтэйчүүдийн цусны химийн бүтцэд өөрчлөлт гарч байжээ. Мөн цусан дахь инсулины хэмжээ нэмэгдэж байв. Энэ хэмжээ нь цаашлаад цус харвах эсвэл чихрийн шижингийн II төрөлд хүргэх аюултай. Муу нойр эрчүүдээс илүүтэй эмэгтэйчүүдэд яагаад ингэж их сөргөөр нөлөөлж байгааг судалсаар байна. Зарим нэг эрдэмтдийн үзэж байгаагаар энэ нь гормон болон амино хүчлийн хэмжээнээс шалтгаалж болох талтай гэжээ. Эмэгтэйчүүд эрүүл мэндээ дэмжих үүднээс багаар бодоход 7 цаг унтах ёстой, 9 цаг унтаж байвал маш сайн. Энэ бол эмэгтэйчүүд болон эрчүүдийн нойронд хийсэн анхны судалгаа биш юм. “Нойрны нэг чухал үүрэг – тархи өөрөө өөрийгөө сэргээхэд оршино” – Лафборо их сургуулийн дэргэдэх нойр судлалын төвийн профессор Жим Хорн ийн хэлжээ. “Эмэгтэйчүүд нэг дор олон ажил гүйцэтгэх чадвартай байдаг учраас тархи нь эрчүүдээс их ачаалал авахад хүргэдэг. Тиймээс илүү их цагаар унтах шаардлагатай”

Categories
Чөлөөт

Судсаа цэвэр байлгахын тулд эдгээр хүнсийг өдөр бүр хэрэглэж заншаарай

Атеросклероз (өөхших гүвэн) нь судасны хананд өөх тос болон бусад зүйлс наалдан, дүүрч зүрх судасны хэвийн ажиллагааг алдагдуулдаг гол шалтгаан юм. Артерийн болон бусад судасны үндсэн зорилго нь зүрхээр шахагдсан хүчилтөрөгчөөр баялаг  цусыг биеийн бүх л хэсэгт тараах ба хүний бие дэх судас нь зөөлөн, уян боловч маш бат бөх байдаг. Тархинд цус харвах, судасны нарийсал мэтийн янз бүрийн судасны өвчин, зүрхний хэм алдагдах зэрэг зүрх судасны өвчин нь АНУ-д зонхилох үхлийн шалтгааны нэг гэж үздэг бөгөөд энэ улсад зүрх судасны өвчнөөр жилд 600,000 гаруй хүн амь насаа алдаж байна. Энэ өвчин нь хүнд шууд мэдрэгдэх ямар нэг шинж тэмдэггүйгээр бий болж, улам бүр хүндэрсээр ихээхэн цаг алдсаны дараа шинж тэмдгүүд илэрч, цаашдаа үхэлд хүргэдэг билээ. Нарийссан буюу битүүрсэн судасны илрэх шинж чанар нь тухайн хүний артерийн судаснаас шалтгаалан янз бүр байдаг: Титэм судас: Зүрхний титэм судас нарийсч түүгээр урсах цусны хангамж муудсанаар зүрх хангалттай хэмжээний цус авч чадахаа болино. Үндсэн зовиур нь цээжинд мэдрэгдэх өвчин, мөр, дал, нуруу, гар, шанаагаар чилэх, даралт мэдрэгдэх, амьсгаадах зүрхний цохилт ихсэх зэрэг болно. Гүрээний судас: Гүрээний болон тархины судас нарийсан, цусан хангамж дутагдахад толгой өвдөх, нүд ядрах, тэнцвэр муу болох, хэл ярианы бэрхшээлтэй болох, амьсгаа давчдах, орчин тойрноо гүйцэд мэдрэхгүй байх, гэнэт ядрах, ухаан алдах, татах, алхаж гишгэхэд хэцүү болох, гэв гэнэт унах зэрэг шинж тэмдэг илэрдэг. Бөөрний судас: Бөөрний архаг өвчин нь түүнийг тэжээдэг судас нарийссанаас үүдэх ба эхлээд ямарваа нэг шинж тэмдэг илрэхгүй явсаар аажмаар хүндрэн удалгүй дотор муухайрч бөөлжих, ядрах, бөөрний дутагдал, анхаарал төвлөрүүлэхэд хэцүү болох, өндөр даралт, хөл гар чилэх зэрэг шинжүүд илрэнэ. Захын судас: Энэ нь хүний хөл гар, таазны хэсэг дэх нарийссан судаснаас шалтгаалах өвчин юм. Ерөнхий шинж нь хөл гар өвдөх, чилэх. Атеросклероз буюу өөхших гүвэн: Энэ нь артерийн судас хатуурч, зузаарч, дотроо нарийсахыг хэлнэ. Артерийн судас нь түүний уян хатан, доторх гөлгөр байдлыг хангаж, цусны урсгалыг сайжруулдаг “эндо” гэсэн биетийн эд эсээр бүрхэгдэж байдаг ба эдгээр эд эсүүд янз бүрийн шалтгаанаар гэмтсэнээс судасны хананд элдэв зүйлс наалдан нарийсдаг. Атеросклероз нь нилээд нарийн түвэгтэй зүйл бөгөөд яг юунаас бий болдгийг нарийн тодорхойлж чадаагүй байгаа ч, тамхи татах, сахарын өвчний 1 болон 2-р хэлбэр, таргалалт, металлын нөлөө, архагшсан үрэвсэл,  хөдөлгөөний дутагдал, Тип А буюу хэт их хөдөлмөрлөдөг буюу хэт ядаргаанд орох зэрэг нь артерийн судасны дотоод хэсгийг гэмтээх нөхцөл болдог байна. Мөн хоол хүнсний янз бүрийн тэжээллэг чанар дутагдах, тэнцвэргүй байдал , Витамин С болон бусад антиоксидант дутагдсанаас үүсэх стресс, маш их хэмжээний боловсруулсан крахмал бүхий хүнс, сахар, өөх тос зэрэг хүнснээс шалтгаалж атеросклероз үүсэж болно. Энэ бүх өвчнөөс урьдчилан сэргийлэхийн тулд, өөрийнхөө судсыг цэвэр байлгах, судасны нарийслыг цаашид даамжруулахгүйн тулд та доорх 10 цэвэр байгалийн гаралтай бүтээгдэхүүнийг хэрэглэх хэрэгтэй. Сармис Сармис нь артесклероз үүсэх, зүрхний элдэв өвчнөөс сэргийлэх, цусны даралтыг буулгах, судасны ханыг цэвэрлэхэд онцгой ач холбогдолтой ургамал юм. 1999 онд Atherosclerosis сэтгүүлд хэвлэгдсэн судалгаагаар сармис судасны хананд наалдахаас маш сайн урьдчилан сэргийлж чаддаг нь тогтоогдсон байна. Гүнжидийн үр Энэ нь артерийн судасны бөглөрлийг арилгах, атеросклерозын даамжралтыг зогсоох бас нэг байгалийн эм юм. Цагаан гаа Цагаан гаа нь үрэвслийн эсрэг болон антиоксидантын маш хүчтэй үйлчилгээ үзүүлдэг ба зүрх судасны системийг хамгаалах гингерол болон бусад нэгдэл нь судасны хана цэвэрлэх, холестерин багасгах зэргээр нөлөөлнө. Куркума ЛПНП холестеринийг багасгадаг, судасны бөглөрлийн эсрэг сайн эм болох энэ ногоог энэтхэгчүүд хоол хүнсэндээ маш их хэрэглэдэг. Куркумагийн куркумин хэмээх бодис нь зүрхний үйл ажиллагаанд маш сайнаар нөлөөлдөг байна. Анарын шүүс Энэ шүүс антиоксидантаар баялаг, устөрөгч-бромын хүчил ихтэй бөгөөд энэ шинж чанар нь судасны ханыг уян зөөлөн болгож, шүдний чулуу үүсэхээс сэргийлэх ба атеросклерозыг эмчилнэ. Мөн энэ шүүсэнд зүрхэнд сайн селен, магни зэрэг олон бодис байдаг. Корица буюу цинамон Энэ ургамал зүрх судасны болон атеросклерозтой холбоотой олон аюулаас сэргийлэх шинж чанартай ургамал юм. Нимбэг Нимбэг нь холестерин бууруулахаас гадна биеийн хүчиллэг чанарыг тэнцвэржүүлдэг. Мөн С витаминаар баялаг учраас үрэвсэл дарж, судас бэхжүүлнэ. Кимчи Солонгосын үндэсний хоол болох кимчи нь ферментелсэн байцаа, халуун перц зэргээс бүтэх учир атеросклерозыг даамжралтыг сааруулна. Маалингийн үр Энэ үр нь судас сайн цэвэрлэнэ. Мөн омега-3 бүхий альфа-линолын хүчил ихээр агуулдаг учир цусны даралтыг бууруулж элдэв үрэвслээс сэргийлдэг. Кайений перец Энэ перцэд байдаг капсацин хэмээх бодис нь ЛПНП холестеринийг бууруулан, цусны эргэлт сайжруулан, цус харвалт болон зүрхний шигдээс өвчнөөс сэргийлдэг. Мөн энэ бодис уушиг болон судасны үйл ажиллагаанд ч сайн болох нь тогтоогджээ. Ингээд эцэст нь хэлэхэд, алхах, гүйх, йогоор хичээллэх, бясалгах зэргээр өдөрт хагас цагаас багагүй хугацаагаар, долоо хоногт 5-аас доошгүй удаа тогтмол биеийн тамираар хичээллэж судсаа цэвэр байлгаарай.