Categories
Чөлөөт

2009 оны улсын наадамд начины болзол хангасан 5 бөх гэнээ. Ёстой чанартай начингууд байна.

1024 БӨХ БАРИЛДУУЛАХЫН УЧИР ШАЛТГААН, ЗОРИЛГО “10 даваатай наадам хийж нэг том цол алгасаж дараачийн цолыг нь олгохын гол зорилго нь цол авч буй бөхөө баярлуулах бус ард түмэнд илүү их баяр цэнгэл эдлүүлэх явдал”.
Ингэж тусгаар тогтнолын үнэ цэн, үндэсний дархлаагаа бататган бэхжүүлдэг юм. Хэрвээ тийм биш бол тэгш ойн жил бусад жилтэй адил 512 бөх барилдах байлаа. 1024 бөхийн барилдаанд хэн түрүүлэх нь огт сонин биш, гагцхүү түрүүлсэн бөх нэг цол алгасах л ёстой. 10 давж түрүүлсэн бөх нэгийн даваанд цэргээ давна уу, даргаа давна уу ерөөсөө ч падгүй шүү, энийг маш сайн анхаараарай. Гагцхүү 10 давж Аварга болох учиртай. Тэгж гэмээнэ ард түмэн магнайгаа хагартал баярлана. Арслан цолтон төрснөөс л лавтайяа илүү баярлах гэж тэр. Баярладаг ч юм. Өмнөх жил нь улсад түрүүлчихсэн Улсын арслан цолтой бөх тэгш ойн жил 10 даваад дахин түрүүлэхэд Даян аварга цолыг нь өгөөгүй нь ХАМГИЙН ТОМ АСУУДАЛ мөн. 2003 он хүртэл Далай аварга цол байгаагүй. А.Сүхбат 2004 онд 3 дахиа түрүүлээд Дархан аварга цолныхоо болзлыг хангасан. Энэ бүх амжилтыг нь үнэлээгүй учраас шударга бусын эсрэг тэмцэж зодгоо тайлсан. Энэ жил ч гэсэн 5 жилийн өмнө Дархан аваргын болзлоо хангасан ах аваргыг дүү аваргынх нь доор эрэмбэлсэн учир наадамдаа барилдсангүй, дэвжээндээ хүндэтгэл үзүүлээд гарч одов. Хүнийг нэг удаа хохироосон бол алдаа гарч гэж бодохсон, нэг жил хохироосон бол за яахав бас алдаа гарч ээ гэж бодохсон. 20 жил хохироочихоод ухаарахгүй байгаа хүмүүсийг яах ёстой вэ? Ийм шударга бус зүйл салбар бүрт байгаа учраас энэ улс чинь хөгжихгүй байгаа юм. Ийм ёс суртахуунгүй, хүн чанаргүй байж болдог юм уу? ЖДҮ, олон эхнэр, улстөрийн асуудлыг нь хольж ирээд л тултал муулах. Бөхийн эрэмбэ тогтооход тэрний эхнэр хүүхэд, нам мам ямар хамаа байна аа. “Нэг өдөр адил даваа болон бусад шалгуураар ижил цол авсан бөхчүүдийг өмнөх цолоо түрүүлж авсан буюу өмнөх цолны эрэмбээр эрэмбэлнэ” гэж хуулинд байна. А.Сүхбатад 2001 оны амжилтаар нь, Г.Өсөхбаярт 2005 оны амжилтаар нь Даян аварга цол өгсөн гэж ард түмэн мэднэ. Даян аваргын болзлыг 4 жилийн өмнө хангаж. А.Сүхбатад 2005 оны амжилтаар нь, Г.Өсөхбаярт 2009 оны амжилтаар нь Дархан аварга цол өгсөн гэж бас ард түмэн мэднэ. Дархан аваргын болзлыг 5 жилийн өмнө хангаж. Ойлгомжтой эрэмбэ байгаа биздээ. Энэ бүхнийг нь бас ч гэж мэдээд А.Сүхбатад 8 дугаартай, Г.Өсөхбаярт 9 дугаартай Дархан аварга цолны үнэмлэх гардуулсан юм байна. Энэ бас нэгэн баталгаа. Ийм ойлгомжтой юмыг, тийм төвөгтэй болгож байгаа МҮБХ-нд ямар нэгэн ашиг сонирхол байж магадгүй санагдаж байна. ЭХ СУРВАЛЖ: Жудаг хуудас.

Leave a Reply

Your email address will not be published.