Categories
Чөлөөт

Д.Сарангэрэлийг УИХ-ын гишүүнээс эгүүлэн татуулахаар Үндсэн хуулийн цэцэд ханджээ ДЭМЖИХ ҮҮ?

Монгол Улсын иргэн Э.Түвшинбаяраас ХНХЯ-ны сайд асан Д.Сарангэрэл Үндсэн хууль зөрчсөн эсэх асуудлаар дүгнэлт гаргуулахаар өчигдөр (2022.10.04) Монгол Улсын Үндсэн Хуулийн цэцэд ханджээ. Мэдээлэл гаргасан иргэн Э.Түвшинбаярт Өмгөөллийн “Монгол элч консалтинг” ХХН-ийн өмгөөлөгч нараас хууль зүйн туслалцаа үзүүлэн ажиллахаар болсон байна. УИХ-ын Нийгмийн бодлогын байнгын хорооноос 2022.09.26-ны өдөр зохион байгуулсан “Халамжаас-Хөдөлмөрт” хэлэлцүүлэгт Хөдөлмөр Нийгмийн Хамгааллын яамны сайд асан Д.Сарангэрэл оролцож Нийгмийн халамжийг зорилтот бүлэг рүү шилжүүлэх, хөдөлмөр эрхлэлтийг дэмжих бодлогын арга хэмжээ” сэдэвт илтгэл тавихдаа “…ядуурлын түвшнээс доогуур айл өрхийг “…улны айл…” гэж нэрлэдэг хэмээн мэдээлэл хийсэн нь Монгол Улсын Үндсэн хуулийн холбогдох заалтуудыг ноцтой зөрчсөн үндэслэлээр иргэн мэдээлэл гаргасан байна. ХНХЯ-ны сайд асан Д.Сарангэрэл нь өөрийн хэлсэн үгээрээ Монголын ард түмнийг ялгаварлан гадуурхаж, хүний эрх, эрх ашиг сонирхлыг зөрчсөн, цаашлаад Монгол Улсын Үндсэн хуулийн холбогдох заалтуудыг зөрчсөн, УИХ-ын гишүүн бүрэн эрхээ хэрэгжүүлэхдээ өргөсөн тангаргаасаа няцсан, Үндсэн хууль зөрчсөн Улсын Их хурлын гишүүнийг эгүүлэн татуулах гэсэн дүгнэлт гаргуулахаар ханджээ.

Leave a Reply

Your email address will not be published.