Хуурай ханиалгыг намдаах шилдэг арга

ХУУРАЙ ХАНИАЛГАХ Ханиах нь амьсгалын замын эмгэгийн үед гарч ирдэг шинж тэмдэг. Хэрэв бүгшүүлэн хуурай ханиалгах удаан үргэлжлэх бол түргэн эмчид хандаарай! Ханиалгах нь хамгаалах рефлекс хэдий ч үргэлжилсэн бүгшүүлсэн, хуурай ханиах нь хамаг хүч тэнхээг барсан зовлонтой шинж тэмдэг юм. Ихэнхдээ ханиад, томуугийн дараа эсвэл харшлын үед илэрдэг боловч хүнд эмгэгийн шинж ч байж болно. ШАЛТГААН Вирусын Халдварын Дараах Ханиалга: Ханиад, томуугийн дараа, хэдэн долоог үргэлжилж болдог. Зуршилт/Психоген Гаралтай Ханиалга: Бага насны хүүхдэд ханиад, томуугийн дараа ажиглагддаг. Ханиалгах нь хүчтэй байж болно. Онцлог шинж нь өдөр эрчимтэй ханиалгаж байгаад шөнөдөө эрч нь буурдаг. Харшил: Ахуйн тоос, ургамлын тоосонцор, амьтны үс г.м аллергенууд хуурай ханиалгын шалтгаан болж болно. Харшилтай бол харшил үүсгэж буй зүйлээс аль болох хол байдаг. Т:а:м:х:и: Ужгирсан ханиалгын үндсэн шалтгаан бол тамхи. Хуурай эсвэл цэртэй байж болно. Эмчилгээ тамхинаас гарах. Архаг Бронхит: Агаар дамжуулах гуурсан хоолойд удаан хугацаагаар үрэвсэл явагдах. Ханиалгахаас гадна амьсгаадах, цээж хэржигнэх, ядрах шинж тэмдгүүд илэрдэг.

Астма: Архаг явцтай, ихэнхдээ шөнөөр хүндэрдэг. Хуурай, хүйтэн агаар, үнэртэй бодис, утаа зэрэг нь астмыг өдөөдөг. Сөөргөө: Ходоодны шүүс улаан хоолой руу орох, энэ нь агаар дамжуулах хоолойг цочроож, ханиалгах рефлексыг сэдээдэг. Амьсгалын Дээд Замын Ханиалгах Хам Шинж (АДЗХХШ): Хамрын салст бүрхүүл их хэмжээний салс ялгаруулж, хоолой руу орохдоо түүнийг цочроож ханиалгах рефлексыг өдөөдөг. Хөхүүл Ханиад: Хуурай бүгшүүлэн ханиалгах, бага зэрэг халуурах, хамраас нус гоожих г.м шинж тэмдгүүд илэрдэг. Дархлаажуулалтын улмаас өвчлөл буурсан. Ларингит: Дууны хөвч үрэвсэх, хуурай ханиалгах, дуу сөөх, хоолой өвдөх, сэрвэгнэх, хуурайших г.м шинжүүд хавсарна. Эм: Даралт бууруулах, сэтгэл засах зарим эмүүд хуурай ханиалгыг үүсгэдэг. ГЭРЭЭР АРГААХ АРГУУД Хамгийн түрүүнд хөнгөвчлөх аргуудаар анагаахыг хичээдэг, хэрэв үр дүнгүй бол эмэн эмчилгээ рүү шилждэг. Давстай усаар хоолойгоо зайлах: Буцалсан 1 аяга усанд 1 цайны халбага давс хийж өдөр 3 удаа хоолойгоо зайлна. Давирхай: Антисептик үүдэлтэйгээс гадна булчин сулруулах, өвдөлт намдаах үйлдэлтэй. 2 аяга усанд хагас цайны халбага давирхай хийж өдөрт 3-4 удаа хоолойгоо зайлна.

Зөгийн бал: Хоолойг чийгшүүлж хуурай ханиалгыг түр зуур намдаадаг. Хангалттай Шингэн Уух: 6-8 аяга шингэн ууж, хоолойг чийгшүүлдэг. Агаар Чийгшүүлэх: Нэрмэл ус хийх нь илүү тохиромжтой байдаг Уураар Эмчлэх: Хамар, залгиураа чийгтэй байлгахын тул уураар утах нь хамгийн тохиромжтой. Харшлын Эсрэг Эм: Харшил хөдөлгөх зүйлээсээ хол байдаг, антигистамины төрлийн эм ууж болно. Ханиадны Сироп: хуурай болон цэртэй ханиалгыг намдаах сироп байдаг, мэдээж хуурай ханиадыг намдаах сиропыг аваарай! Зөв хооллох: Ногоо, жимс нь дархлааг дэмждэг. АУ-ны доктор Д.Булган МҮЭХ: ИРГЭДИЙН ЦАЛИН, ТЭТГЭВРИЙГ ЯАРАЛТАЙ НЭМЭГДҮҮЛЭХ ХЭРЭГТЭЙ Дэмжиж байвал 1 гэж бичээд ШЕЙР!!! МҮЭХ-ноос Засгийн газрын тогтоолтой холбоотойгоор үйлдвэрчний эвлэлийн холбоод мэдээлэл хийлээ. МҮЭ-ийн Хөдөлмөр, нийгмийн хамгааллын бодлого төлөвлөлтийн газрын дарга М.НЯМДАВАА: “Төсөв зардлыг хэмнэх, орон тооны давхардлыг арилгах, цалин хөлсийг нэмэгдүүлэхгүй байх Засгийн газрын тогтоол гарсан. Энэ нь төрийн захиргааны албан тушаалтанд хамааралтай гэсэн. Гэтэл энэ нь төрийн үйлчилгээний ажилтан, багш нарт үйлчилж байгаа тул энэ тогтоолыг дэмжихгүй байна. Цар тахалтай холбогдуулан өргөн хэрэглээний барааны үнэ нэмэгдэж, иргэдийн худалдан авах чадвар буурч байна. Тиймээс Засгийн газар шатахуун, өргөн хэрэглээний барааны үнийн өсөлттэй холбоотой цалин, тэтгэврийг нэмэх шаардлагатай байна” гэлээ. Г.Өнөрбаяр: Таван жилийн дунджаар тэтгэвэр тогтоосноор нэг хүний тэтгэвэр 15 мянган төгрөгөөр нэмэгдэнэ УИХ-ын чуулганы хуралдаанаар Нийгмийн даатгалын сангаас олгох тэтгэвэр, тэтгэмжийн тухай хуульд өөрчлөлт оруулах тухай хуулийн төслийн хэлэлцэх эсэхийг хэлэлцэж байна. Өчигдөр тус хуулийн төслийг НББ-ны байнгын хороо хэлэлцээд хэлэлцэхийг дэмжсэн билээ. Хуулийн төслийг УИХ-ын гишүүн Б.Пүрэвдорж нарын гишүүд өнгөрсөн дөрөвдүгээр сард өргөн барьсан юм. Хэлэлцэж байгаа асуудалтай холбоотойгоор гишүүд асуулт асууж, хариулт авлаа.УИХ-ын гишүүн Ж.Сүхбаатар: Энэ асуудлыг шийдсэнээр хэдэн төгрөгийн зардал гарах вэ. Иргэдийн санал хүсэлтийг авсан уу. Нэмэлт зардлуудаа хасаад тэтгэврээ нэмэгдүүлэх шаардлага байна. Энэ тал дээр байнгын хороо ямар байр суурьтай байна вэ.ХНХЯ-ны Төрийн нарийн бичгийн дарга Г.Өнөрбаяр: Манай яамнаас Нийгмийн даатгалын багц хуулийн төслийг өргөн барьсан. Хуулийн төсөлд таны ярьсан зүйлийг бүгдийг нь тусгаж оруулсан. Жилд 30 мянга орчим хүн тэтгэвэр тогтоолгож байгаа. Үүний 70 орчим хувь нь тэтгэврийн доод хэмжээгээр тэтгэврээ тогтоолгодог. Үлдэж байгаа хүмүүсийн цөөн хувь дээр энэ дараалсан таван жил гэдэг асуудал яригдана УИХ-ын гишүүн Б.Пүрэвдорж: Долоон жилийн хугацаанд хүмүүс ажлаа сольдог, завсарддаг асуудал байдаг. Тиймээс долоон жилийн дунджаар тэтгэвэр тогтоолгох нь иргэдэд маш их хохиролтой. 2022 оны төсөв дээр 10 гаруй тэрбум төгрөгийн хөрөнгө шаардагдана.УИХ-ын гишүүн Г.Амартүвшин: Засгийн газрын өргөн барьсан хуультайгаа хамт хэлэлцээд явж болдоггүй юм уу. Сүүлийн таван жил өндөр цалин авсан хүмүүс илүү хожоод, бусад ахмадуудад ямар ч ялгаагүй юм биш үү. Энэ хуулийг баталснаар ямар хэмжээний санхүүжилт шаардлагатай вэ. 2022 оны төсвөө баталчихсан. Санхүүжилтээ яаж шийдэх юм бэ? УИХ-ын гишүүн Б.Пүрэвдорж: МАН-ын бүлэг энэ хуулийг хэлэлцэхийг дэмжчихээд багц хуультай хамт хэлэлцье гэдэг санал тавьсан. Гэхдээ энэ хууль бол ирээдүйд тэтгэвэрт гарах хүмүүсийн тэтгэврийг тогтоохдоо таван жилээр тооцно гэж байгаа. Эрт тэтгэвэрт гарсан хүмүүсийн асуудал тусдаа асуудал. Энэ хуулийг баталбал бид олон ахмадынхаа тэтгэврийг 500 мянга болгох боломж бүрдэх юм. УИХ-ын гишүүн Б.Чойжилсүрэн: 2016-2021 онуудад улсын төсвөөс тэтгэврийн санд хэдэн төгрөг шилжүүлсэн бэ. НДШ-ийг 20-иос 25 хувь болгох, тэтгэврийн дунджийг 7 жилээр тооцох гэдэг асуудлыг би Сангийн сайд байхдаа батлуулж байсан. Тэтгэврийн санд ямар хэмжээний нэмэлт дарамт ирэх вэ? Тэтгэврийн сангийн орлого зарлага улсын нэгдсэн төсөвт тооцогдож явдаг. Ирэх оныхоо төсвийг баталчихсан. Жил бүхэн 120 орчим тэрбум төгрөгөөр нэмэгдэнэ. Ингэснээр НДС-д жил бүхэн улсын төсвөөс 800 орчим тэрбум төгрөгийн татаас өгнө. Ард түмэнд таалагдаж гоё юм ярьж болно. Гэхдээ байгаа юмаа тараадаг, хуримтлуулдаг юмгүй байх нь зөв үү.УИХ-ын гишүүн Б.Пүрэвдорж: 2021 онд 35 мянган тэтгэвэрт гарсан. Үүний 70 хувь нь хувь тэнцүүлсэн болон бүрэн тэтгэврийн доод хэмжээгээр тэтгэвэр тогтоолгосон. Жилд дөрөвхөн тэрбум төгрөг хэмнэхийн төлөө ахмадуудынхаа эрх ашгийг хохироох ёсгүй байсан юм. Энэ шийдвэр төрд иргэдийн итгэх итгэлийг алдагдуулсан.ХНХЯ-ны Төрийн нарийн бичгийн дарга Г.Өнөрбаяр: 2016 онд улсын төсвөөс 494, 2017 онд 570.3, 2018 онд 609.8, 2019 онд 605.5, 2020 онд 400, 2021 онд 603.5 тэрбум төгрөгийг НДС-д татаас болгож өгч байгаа. 2022 онд улсын төсвөөс 459.8 тэрбум төгрөг өгнө. Долоон жилийг таван жил болгосноор тэтгэвэр огцом нэмэгдэх юм шиг буруу ойлголт өгч болохгүй. Нэг хүний тэтгэвэр 15 мянган төгрөгөөр нэмэгдэнэ.