З сарыын 15нд Сайншандад бороо орсон бол энэ удаа Улаанбаатарт анхны бороо орох мэдээлэл гарч эхэллээ борооны үүл ойртож байна. 
2022 ОНЫ 06 – 08 ДУГААР САРЫН УРЬДЧИЛСАН ТӨЛӨВЗургаадугаар сард. Сарын дундаж агаарын температур ОЖД–аар нутгийн баруун өмнөд хэсгээр 6…12°C, бусад нутгаар 12…18°C дулаан байдаг.
06 дугаар сарын агаарын дундаж температур ихэнх нутгаар дунджаас дулаан байх төлөвтэй байна .Сарын нийлбэр хур тунадас ОЖД–аар ихэнх нутгаар 70 мм хур тунадас ордог.
06 дугаар сарын нийлбэр хур тунадас нутгийн баруун хэсгээр ОЖД–аас ахиу, бусад нутгаар дунджийн орчим орох төлөвтэй байна.Долдугаар сард. Сарын дундаж агаарын температур ОЖД–аар нутгийн баруун хэсгээр 8…14°С, бусад нутгаар 14…20°С дулаан байдаг.07 дугаар сарын агаарын дундаж температур ихэнх нутгаар ОЖД–аас дулаан байх төлөвтэй байна.Сарын нийлбэр хур тунадас ОЖД–аар ихэнх нутгаар 70–100 мм бороо ордог байна. 07 дугаар сарын нийлбэр хур тунадас ихэнх нутгаар дунджаас бага байх төлөвтэй байна.Наймдугаар сард. Нутгийн баруун хэсгээр +8…+12°C, бусад нутгаар +12…+20°C дулаан байдаг.08 дугаар сарын агаарын дундаж температур ихэнх нутгаар ОЖД–аас дулаан байх төлөвтэй байна. ОЖД–аар нутгийн зүүн хойд 60–100 мм, бусад нутгаар 20–60 мм хур тунадас ордог.08 дугаар сарын нийлбэр хур тунадас нутгийн зүүн хэсгээр ОЖД–аас бага, бусад нутгаар дунджийн орчим орох төлөвтэй.Зөвлөмж: Зуны ихэнх саруудад ихэнх нутгаар ОЖД–аас дулаан байх төлөвтэй байна. Ялангуяа нутгийн зүүн хойд хагастаа халуун, хуурай байх нөхцөл бүрдэхээс гадна зарим үед хэт халалт давтагдах магадлал өндөртэй байгааг анхаарна уу. Харин уулархаг нутгаар 06 дугаар сард хур тунадас ОЖД–аас ахиу байх магадлалтай тул гэнэтийн үер усны аюулаас болгоомжилж тухайн үеийн цаг агаарын урьдчилсан мэдээг тогтмол авч байхыг зөвлөж байна. Төлөв бичсэн инженер Э.Мягмаржаргал
