Шийрний царцаамаг буюу бидний хэлж хэвшсэн стүжиний ач тус ба хийх арга.
КОЛЛАГЕН Үений эрүүл байдал нь холбоос, шөрмөс, ясны төгсгөлүүдэд байдаг коллаген ширхэгтэй их холбоотой. Коллаген гэдэг нь гликозамингликаныг оролцуулсан том биомолекул бөгөөд энэ нь үе, үс, хумс эрүүл байлгадаг маш чухал молекул юм. Биеийн арьс булбарай зөөлөн болдог Арьсны уян хатан чанарыг сайжруулж арьс язрахаас сэргийлдэг.
Үсний бууралт багасгаж өгнө ЖЕЛАТИН Желатин нь пролин, глицинээс тогтсон уураг юм. Желатины найрлага дах глицин нь глутатион хэмээх маш хүчтэй антиоксидантын найрлагад ордог учраас бүх биеийн чөлөөт радикалын гэмтлээс сэргийлэхэд тустай. Спортын хүнд бэлтгэл хийдэг тамирчид үеэ хамгаалахын тулд нэмэлт бүтээгдэхүүн хэрэглэдэг бөгөөд стүжинд уг хэрэгцээт амин дэм агуулагддаг. Үений шингэн нөхөж өгнө. Биеэс хор гадагшлуулах үйлчилгээтэй. Стүжин хийх арга:
Орц: Үхрийн шийр -900гр Лууван -2ш Сонгино -2 ш Сармис -4хумс Хар перец – 1ц/х Давс – 1ц/х Хийх арга: Үхрийн тагалцагыг жижиглэн эвдэж чанахад тохиромжтой болгоорой. 
Том саванд ус хийж шийрийг /тагалцаг/ чанана. Ус шийрнээс дээш 5-6см байна. Галыг өндөр хэм дээр тавьж буцалгаарай. Буцалсны дараа галын хэмийг зөөлрүүлж зөөлөн гал дээр 2 цаг буцалгана. Хэрвээ загас, тахианы махаар стүжин хийх гэж байгаа бол 40 минут, гахайн шийрийг 2 цаг тус тус буцалгана. Ингэж буцалгах явцдаа шөлийг таглахгүйгээр буцалгах ба үе үе хутгаж шөлөн дээр тунасан өөх тосыг шүүж аваарай. Хэрвээ чанах хугацаанд шөл нь ширгэвэл халуун буцалсан ус нэмж хийж болох ба ус шийрийг бүрэн бүрхэж байх хэмжээгээр хийгээрэй. Ингээд 2 цаг чанасны дараа хэрчсэн сонгино, лууван, манжин гэх мэт ногоо, лаврын навч, вандуй, давс, хар перц хийж дахин 1 цаг буцалгана. Шийр удаан хугацаанд ялз чанагдсан учраас зөөлөрсөн байх ба ясыг гаргаж хаяна. Шийр зөөлөрч бараг үйрч бутарсан байна. Эсвэл шийрийг шөлнөөс гаргаж жижиглэн хэрчээд эргүүлж шөлөнд хийж чанана. Эсвэл үхрийн хэл, дотор махыг ч хийж чанаж болдог. Ингээд жижиглэн хэрчсэн сармис, ногоон сонгино, яншуйг шөлөнд хийж дахин 15-20 минут буцалгана. Үүний дараа хүнсний цаасыг 3-4 давхарлаж байгаад шөлийг шүүж авна. Ингэхэд шөлөн дэх өөх тос, махны үлдэгдэл шүүгдэж тунадаг. Хэрвээ шөл тунгалаг байвал заавал дээрх шиг шүүх шаардлагагүй. Ингээд шөлийг сэрүүн газар хөргөсний дараа хөргөгчинд хийж хонуулна. Маргааш өглөө үзэхэд стүжин бэлэн болсон байх болно. Мөн сайн чанарын дарс болон өндөгний цагааныг хөвсийлгөж миксэрдээд шөлөнд хийж хөргөөд стүжин хийж болдог.
