Өнөөдөр хэлмэгдэгсдийн хөшөөний дэргэд Нийслэлийн ардчилсан намаас зохион байгуулсан “Монголоо Белариус шиг болгохгүй” нэртэй цуглааны үеэр иргэд зохион байгуулагчид руу гурил цацсан юм. Гурил цацсан иргэн хэлэхдээ: “Төрийн цагдаа нар энэ цуглааныг болиулах хэрэгтэй шүү дээ. Монгол Оросгүйгээр хэзээ оршин тогтнож байсан юм. 1921 онд Оросгүйгээр Манжийн дарлалаас чөлөөлөгдөж чадах байсан юм уу.
Япончууд Халх голоор дайрч орж ирэхэд Оросгүйгээр бид оршин тогтнож чадах байсан юм уу. 1961 онд Дэлхий хүлээн зөвшөөрөхгүй байхад Орос туслаж байж Монгол Улс гэж зарласан шүү дээ. Эдгээр зүйлсээ бодох хэрэгтэй. Мөнхийн найрамдалт харилцаатай улс байх ёстой. Хоёр орны хооронд ийм байдлаар хагарал үүсгэж болохгүй л дээ. Цагдаа нар энэ жагсаалыг зогсоохгүй бол болохгүй, энэ хүмүүс жинхэнэ террористууд ” гэв.
